1 हे ढ्लाव ते बेइनव, इसेरी ज़रूरत नईं, कि वक्तन ते कालां केरे बारे ज़ेइस प्रभु यीशु वापस एज्जेलो तुसन किछ लिखू गाए। 2 किजोकि तुस एप्पू रोड़े च़ारे ज़ानतथ, ते ज़ेन्च़रे च़ोर राती एइते, तेन्च़रे प्रभुएरू दुबारां एजनू भोल्हु। 3 ज़ैखन लोक ज़ोले, "कि शान्तिए, ते कोई डर नईं," त तैन पुड़ अकदम विनाश एजनोए, ज़ेन्च़रे दोज़ींती पुड़ तकलीफ; ते तैना तैस मुसीबती करां न बच़ेले। 4 पन हे ढ्लाव ते बेइनव, तुस त (आत्मिक) आंधरे मां नईं, कि तै दिहाड़ी तुसन पुड़ च़ोरेरी ज़ेरि एज्जे। 5 किजोकि तुस सब लौअरे बच्‍चे आथ, ते दीसरे बच्‍चे आथ, अस न रातरेम, न आंधारेरेम।