यूसुफ अपनो आप बांदो केरते
1 तैखन यहूदेरी गल्लां शुन्ते यूसुफे तैना सब, ज़ैना तैसेरे आसे-पासे खड़े थिये, अपने आपे तै रोकी न बटो; ते ज़ोरे सेइं ज़ोवं, "मेरे आसे पासेरां सेब्भी मैन्हन बेइरोवं कढा।" ढ्लान कां अपनो आप बांदो केरनेरे मौके यूसुफे सेइं साथी होरो कोई न थियो। 4 फिरी यूसुफे अपने ढ्लान सेइं ज़ोवं, "मेरे नेड़े एज्जा।" एन शुन्तां तैना नेड़े जे। फिरी तैनी ज़ोवं, "अवं तुश्शो ढ्ला यूसुफ आईं, ज़ै तुसेईं मिस्रे जो एजनेबालन जो बेच़ोरो थियो। 5 हुनी तुसां लोक पसताथ न, ते तुसेईं अवं ज़ै इड़ी बेच़ी छ़डोरो थियो, एस सेइं परेशान न भोइयथ किजोकि परमेशरे तुश्शे प्राण बच़ांनेरे लेई अवं तुसन अग्री-अग्री भेज़ोरोईं। 15 ते तै अपने सेब्भी ढ्लान सेइं गले लेगतां लेरां लगो देने, ते तैसेरां बाद तैना तैस सेइं गल्लां लगे केरने।