Gênesis 47

7 तैखन यूसुफे अपनो बाजी याकूब एन्हतां फ़िरौनेरे सामने खड़ो कियो; ते याकूबे फ़िरौने आशिर्वाद दित्तो। 8 तैखन फ़िरौने याकूबे पुछ़ू, "तेरी उमर केत्रीए?" 9 याकूबे फ़िरौने जुवाब दित्तो, "मीं त 130 साल परदेशी भोइतां अपनि ज़िन्दगी गुज़ारी; मेरे ज़िन्दगरे दिहाड़े थोड़े ज़ेरे दुखे सेइं भरोरे भी थिये, ते मेरे दादे-पड़दादे परदेशी भोइतां ज़ेत्रे दिहाड़न तगर ज़ींते राए एत्री मेरी उमर हेजू नईं भोवरी।" 10 ते याकूब फ़िरौने आशिर्वाद देइतां तैसेरे सामनेरां च़लो जेव। 11 तैखन यूसुफे अपने बाजी ते ढ्ला बसेई छ़डे, ते फ़िरौनेरे हुक्मेरे मुताबिक मिस्र मुल्खेरे रोड़े करां रोड़ो हिस्सो, मतलब रामसेस नंव्वेरे नगरेरे ड्लेखी मां, ज़मीन देइतां तैन्न सौंफी दित्ती। 12 ते यूसुफ अपने बाजी केरो ते अपने ढ्लां केरो, ते बाजी केरे सारे घरानेरो, एक्‍की-एक्‍की बाल-बच्‍चां केरि गिनतरे मुताबिक, रोट्टी देइतां तैन केरि हेरगेश केरने लगो।