यूहन्ना 20

चेलन पुड़ बांदू भोनू

19 तैस्से दिहैड़ी ज़ै हफतेरी पेइली दिहाड़ी थी ड्लोझ़रे मौके सारे चेले एक्‍की ठैरी थिये, ते यहूदी लोकां केरे प्रधानां केरे डरे सेइं दार बन्द केरतां बिश्शोरे थिये, तैखन यीशु अव ते मझ़ाटे खड़ो भोइतां ज़ोने लगो, "तुसन शान्ति मैलती राए।" 20 एन ज़ोइतां तैनी अपने हथ ते अपनि देल्‍लोड़ी तैन हिराई, चेले तैस हेरतां खुशी भोए। 21 यीशुए फिरी ज़ोवं, "तुसन शान्ति मैलती राए, ज़ेन्च़रे बाजी अवं भेज़ोरोईं, तेन्च़रे अवं भी तुसन भी इस दुनियाई मां भेज़ताईं।" 22 एन ज़ोइतां तैनी तैन जो फुक दित्ती ते ज़ोवं, "पवित्र आत्मा नेथ। 23 ज़ैन केरे पाप तुस माफ़ केरेले त तैन केरे पाप माफ़ भोल्हे, ज़ैन केरे तुस रखेले तैना राले।"