João 21

यीशु ते पतरस

15 ज़ैखन तैनेईं केलोव खाव, त यीशुए शमौन पतरसे सेइं ज़ोवं, "शमौन," यूहन्नारे मट्ठा, "कुन तू होरि चेलन करां जादे मीं सेइं प्यार केरतस?" तैनी ज़ोवं, "हाँ प्रभु तू त मीं ज़ानतस कि अवं तीं सेइं प्यार केरताईं।" यीशुए ज़ोवं, "मेरां गबड़ां च़ार।" 16 यीशुए फिरी तैन सेइं ज़ोवं, "शमौन, यूहन्नारे मट्ठा, कुन तू मीं सेइं प्यार केरतस?" तैनी ज़ोवं, "हाँ प्रभु, अवं तीं सेइं प्यार केरताईं।" यीशुए तैस सेइं ज़ोवं, "मेरी भैड्डां सम्भाल।" 17 तैनी ट्लेइयोवं फेरे फिरी पुछ़ू, "शमौन यूहन्नारे मट्ठा, कुन तू मीं सेइं प्यार केरतस?" पतरसे दुखी भोइतां ज़ोवं, "प्रभु तू एप्पू सैरी गल्‍लां ज़ानतस, तू ज़ानतस, कि अवं तीं सेइं प्यार केरताईं," यीशुए, ज़ोवं, "मेरी भैड्डां च़ार।"