Lucas 15

20 "बस्सा, तैनी तै मुल्ख शारो ते वापस अपने बाजी कां च़लो, ते हेजू तै बड़े दूरे थियो, ते तैसेरे बाजे तै लाव ते तैसेरे बाजी तैस पुड़ बड़ो तरस अव, ते तै दौड़तो अपने मट्ठे कां जेव, ते तैन गले लाव ते बड़ो खुशी भोव। 21 मट्ठे अपने बाजी सेइं ज़ोवं, ‘हे बाजी अवं परमेशरेरी नज़री मां ते तुश्शी नज़री मां पापी आईं। हुनी अवं एस काबल त नईं कि, अपने आपे जो तुश्शू मट्ठू ज़ोई।’ 22 पन बाजे अपने नौकरन सेइं ज़ोवं, ‘लूश केरा ते सेब्भन करां पेइले रोड़ां लिगड़ां एस मट्ठे लुवाथ, ते एसेरे हथ्थे आंवठी ते पव्वन बूट लुवाथ। 23 ते अक जानबर मारो ते बड़ी धाम बनेइतां बड़ी खुशी मनाई।