लूका 2

यीशुएरू ज़र्म

1 तैन दिहैड़न मां रोम मुल्खेरे महाराज़े औगुस्तुसे एलान कियूं कि, रोमी हुकूमतरे सारे मुल्खां केरे लोकां केरि गिनती की गाए। 2 ऐह पेइली मैन्हु केरि गिनती थी, ज़ै सीरिया इलाकेरे गवर्नर क्विरिनियुसेरे वक्ते मां भोइ। 3 ते सारे लोक, मैन्हु केरि गिनतरे लेई नवं लिखाने अपने-अपने पूर्वजां केरे नगरे जो च़ले जे। 4 यूसुफ भी गलील इलाकेरे नगर नासरते मरां यहूदिया इलाके मां दाऊदेरे नगर बैतलहम मांजो च़लो, किजोकि तै दाऊद राज़ेरे खानदाने मरां थियो। 5 ताके तैड़ी मरियमी सेइं साथी ज़ैस सेइं तैसेरी कुड़माइ भोवरी थी ते तै दोज़ींती थी नवं लिखाए।