Mateus 14

15 ज़ैखन ड्लोझ़ भोइ, त यीशुएरे चेलेईं तैस कां एइतां ज़ोवं, "ई सुनसान ठारे, त च़िर भी बड़ू भोवरूए। ते एन लोकन भेज़ी छ़ड ते कोस्कोई ड्लाव्वन मां गेइतां किछ खाने जो घिन्न।" 16 यीशुए तैन सेइं ज़ोवं, "एना भेज़ने ज़रूरी नईं! तुस्से एन किछ खाने जो देथ।" 17 चेलेईं तैस सेइं ज़ोवं, "इड़ी असन कां पंच़ रोट्टी ते दूई मेछ़ली केरे अलावा होरू किछ नईं।" 18 तैनी ज़ोवं, "तैन इरां मीं कां आनां।" 19 तैखन यीशुए लोकन घासे पुड़ उन्ढे बिशनेरे लेई ज़ोवं, ते पंच़ रोट्टी ते दूई मेछ़ली हथ्थे मां रेखी, ते अम्बरेरे पासे तेकतां शुक्र कियूं, ते रोट्टी ट्लोड़ी-ट्लोड़ी अपने चेलन कां दित्ती, ते चेलेईं तैन लोकन दित्ती। 20 ते सारे मैन्हु खेइतां रेज़्ज़ी जे। तैल्‍ला पत्ती, यीशुएरे चेलेईं बच़ोरे टुक्ड़न सेइं 12 टोकरी भेरि। 21 रोट्टी खानेबाले लोकां केरि तैधात कुआन्शां ते बच्‍चां केरे अलावा कोई 5000 मड़द थिये।