Mateus 9

यीशु दूई काने मैन्हन बज़्झ़ाते

27 ज़ैखन यीशु तैट्ठां अग्रोवं च़लो, त दूई काने तैस पत्ती चिन्डां मारते ज़ोने लग्गे, "हे दाऊदेरा मट्ठां असन पुड़ दया केर!" 28 ज़ैखन तै घरे अन्तर जेव, त तैना काने तैस कां आए, ते यीशुए तैन सेइं ज़ोवं, "कुन तुसन विश्वासे, कि अवं तुसन बज़्झ़ेई सकताईं?" तैनेईं जुवाब दित्तो "हाँ प्रभु, अस विश्वास केरतम, तू असन बज़्झ़ेइं सकतस।" 29 तैखन तैनी तैन केरि एछ़्छ़न सेइं हथ लाव ते ज़ोवं, "तुस विश्वास केरतथ कि अवं बज़्झ़ेई सकताईं, अवं तुसन बज़्झ़ेइलो।" 30 ते तैना लहने लाए, ते यीशुए तैन रोड़ेच़ारे समझ़ेइतां ज़ोवं, "खबरदार ज़ैन मीं तुश्शे लेई कियूं तैसेरे बारे मां कोन्ची सेइं न ज़ोइयथ!" 31 पन तैनेईं बेइर गेइतां सारे मुल्खे मां एस चमत्कारेरे बारे मां ज़ोवं।