9 ज़ैखन यीशु तैट्ठां अग्रोवं च़लो त तैनी अक मत्ती नंव्वेरो मैन्हु, चुंगी नेनेबालो दफ़तरे मां बिशोरो लाव, ते यीशुए तैस जो ज़ोवं, "तू मीं पत्ती च़ल।" तै तैखने यीशु पत्ती च़लो। 10 ते ज़ैखन यीशु अपने चेलेरे घरे गेइतां रोट्टी खाने बिश्शो ज़ेसेरू नवं मत्ती थियूं, त बड़े चुंगी नेनेबाले ते पापी मैन्हु9:10 पापी मैन्हु: लोक तैन केरे बारे मां सोचते थी कि एना पापिन। भी आए ते यीशु त तैसेरे चेलन सेइं साथी रोट्टी खाने बिश्शे। 11 ज़ैखन फरीसी लोकेईं एन हेरू, त तैनेईं तैसेरे चेलन पुछ़ू, "तुश्शो गुरू चुंगी घिन्ने बाले ते पापी लोकन सेइं साथी रोट्टी किजो खाते?" 12 एन शुन्तां यीशुए तैन मिसाल देइतां ज़ोवं, "सझ़र लोकन डाक्टरेरी ज़रूरत न भोए, पन बिमारन भोचे।" 13 फिर भी तुस गेइतां एस गल्लरो मतलब कढा, "अवं बलिदान नईं बल्के दया पसंद केरताईं, किजोकि अवं धर्मी लोकन नईं बल्के पापी लोकन कुजाने एवरोईं।"
यूहन्नारे चेले यीशु बरतेरे बारे मां सवाल पुछ़तन
(मरक. 2:18-22;लूक. 5:33-39)