रोमियो 4:17-21

17 ज़ेन्च़रे पवित्रशास्त्रे मां लिखेरूए, "मीं तू बेड़ि कौमां केरो पूर्वज बनेवरोस।" परमेशरे पुड़ तैने विश्वास कियो, ते ज़ै मुड़दन ज़ींतो केरते ते ज़ैना चीज़ां अथ्थी नईं, तैन भी हाज़र केरते। 18 परमेशरेरे वचनेरे मुताबिक कि, "तेरू खानदान एरू भोल्हु" तैना बेड़ि कौमां केरे पूर्वज भोन। तैनी न उमीदी मां भी उमीदी रेखतां विश्वास कियो, 19 ते अब्राहम ज़ै लगभग 100 सालेरो थियो, अपने मर्रे जानी, ते सारारे मर्रे पेटेरे हालती पुड़ भी विश्वासे मां कमज़ोर न भोव। 20 ते गैर विश्वासी भोइतां परमेशरेरे वाधे पुड़ शक न की, पन विश्वासे मां मज़बूत भोइतां परमेशरेरी बडीयाई की। 21 ते तैस पूरो भरोसो भोव, कि ज़ैस गल्‍लरो वाधो परमेशरे कियोरोए, तै तैस पूरो केरनेरी शक्ति भी रखते।