Resultados da busca por "fé"

1Mɛkana mak ɛ́ nɛ etɛp nadi tɔ sɔ yii Yezu Klisto nawyisal yɛ popoopwon ɛ. Zɛɛb natel nyɛ etɛp tak ɛ, étɛp nyɛ neelyaal bot ɛ mɛsa mɛ sa di náá, yɛ eezekɔ nɛ ɛsael ɛ. Deenek, Klisto naakyeed fofop’ɛ pɛ daa Zaŋ mot-mɛsa mɛ, etɛɛ náá, nyɛ neetel nyɛ etɛp binek.

5Beta náá, Yezu Klisto, mot di tyaasɛs tɔ esosoob ɔ, mot di mot mɛkɛn nagomelaa pak myoŋ ɔ, mot di mɛkoozi bɛmɛkoozi mɛ di kɔ ɛko ɛ bɔs’ak ɔ, djɛ bin enɛm nɛ embɛɛ nɛ egwyem.Klisto nɛ kwyɛl mena, nyɛ naapɛk mena tɔ mesyem dum nɛ buwa nyel’ɛ met nyɛ naka ɛ.

19Kwyala sa wɔ bee ɛ: sa di nenak ɛ, nɛ sa aazyɛ ɛ.

4Bɛ waadi eke náá: «Nyɛ naakɛk ɛbula, etsal é? Haaa nenak nyɛ ɛ́ paa? Etɛɛ náá, bɛbhaab bis eezegwyɛ, etɛp djas ààpaswoola kana mɛkɛn mɛ bhwak.»

11Dáa ye di náá, esonok djas ɛ́ waadiib ɛ, guka ɛnyɔɛpe sa bot di egoka nɛ ɛsa ɛ. Ye nyɔ ɛ́ náá, mɛfulu mena di embɛɛ mɛfulu mɛ edɛɛ. Mɛfulu tak, goka ɛ́ nɛ ɛlyaal ɛ́, ɛgwakel ɛ lena nɛ Zɛɛb.

18Bi goka ɛ́ nɛ ɛtɔ́ sok tɔ enɛm nɛ embɛɛ, nɛ ɛgu ɛ Ghɛŋ’enaka Yezu Klisto, Mɛtsik-bot’enaka.Beta náá, duu di nɛ nɛ, kana nenak kɛtɔ́ kɔm-kɔm sii nɛ kɔm! Amɛn.

5Yɛ ɛ́ tyee wat nɛ djem, Yɛ ɛ́ mɔɔ kyes ɛtɔɔlɛpe é nyel mot, yɛ ɛ́ nɛ ghwyil ɛdiig bet náá, yɛ waasa eboo etɛp.Beeka: mɔɔ du ɛ́ nɛ ghwyil ɛsa náá, boo dik dyak djas.

8Yɛ kabɛ djem ɔɔ, mot tok nɛ ghwyil ɛdjɛɛd yɛ. Etɛɛ náá, yɛ ɛ́ mbee sonok di ààdi gwyem ɛ, yɛ ɛ́ tɔɔɔ nɛ nea di egó bot ɔ.

12Bɔn-nyɛɛg bam, le fiigh tok nɛ ghwyil ɛ́ ɛdjɛ bhum zaboka. Kel sɛŋ tok nɛ ghwyil ɛ́ ɛdjɛ bhum fiigh. Yɛ ɛ́ tyee wat, sɔɔgɔ di ewyisal mɛdii mɛ di egwom ɛ, ye tok nɛ ghwyil ɛbaawyisal tɛtɛ mɛdii.

3Tsɛɛtsɛ, yɛ ɛ́ popoopwon náá, bi ɛ́ mɛkana ɛ Klisto nazekwyal, da bis ɛzyɛ nɛ yɛ ɛ. Tin, mɛkana mɛ tak ààpakwyalaa nɛ kwos, ye nakwyalaa ɛ́ nɛ Sisim Zɛɛb di nɛ tsik ɛ. Ye nabɛ ɛ́ ààkwyalaa kɔ ɛkok dáa etsi ɛ Moiiz nakwyalaa ɛ, tin, ye nakwyalaa ɛ́ tɔ ebhum elyem e bot.

9Yɛ bɛ náá mɛsa mɛ etsi di ewa bot tɔ feŋ ɛpelyaal boo mɛkas ɔɔ, tin, mɛsa mɛ Sisim di esa náá, bot di piki é mis ɛ Zɛɛb ɛ, aadi ɛ́ nɛ mɛkas dhaa-dhaŋak.

14Tin, kɛkum é dwoo ɛlak mos, mɛtselal mɔɔ nabɛ ɛ́ àànyɔ ɛmɛt ɛsuk ɛ tak. É ghɛŋ bɛ nadi elaa bɛmɛkana mɛ ɛbhɛŋ bɛ na mwa ɛ, bhɛɛ tak nabɛ ɛ́ ye dinaa kɔ mis mɔɔ. Yɛ aaboodus bɛ é mis ɛ́, é ghɛŋ ɛzyɛ ɛ mɛkas ɛ Klisto.

17Tin, Ghɛŋ ɛ́ Sisim. Deenek, é di Sisim ɛ Ghɛŋ di ɔ, mot tok si bhel etsi.

11Tin, yɛ kabɛ mɛsyes mɛ boa di bɛkus ɔɔ, sa wɔ ààkwyal min mɔɔ tɔ mɛkana. Etɛɛ náá, é ghɛŋ gwyes ɛba ɛ́ aabaasa bɛ ɛ, bɛ waalum koŋ nɛ Klisto.

22Sa wɔ ààleesuu ɛkɛl mot mɛmbɔ étɛp ɛdjɛ nyɛ di mɛsa tɔ zɛɛga mendjaala. Sa wɔ ààni tɔ mesyem mɛ bot. Wɔ goka ɛ́ wɔ baal nyel’ɔ dɛɛ.

24Mesyem mɛ bɛdhiiti bot nyen ɛ́ popoopwon, ɛsok nɛ bɛ nɛ pɛ́ɛ bɛ. Bela náá, pɛ daa bak bot, ye nyen ɛ́, ɛbhis.

23Dáa esodja nasilal ɛbem Yezu é mɛlaaba ɛ, bɛ eezɛnɔɔ ekaad bɛ, wɔ gwaa, bɛ zɛkaa yɛ mɛkɛɛ mɛná, mot nɛ mot nɛ yɛ ɛkɛɛ. Bɛ zokabaazɛnɔɔ lɔbɔ yɛ nadi lata nɛ kel wat kana pɛ si kɛkum pɛ ɛko ɛ.

33Dáa bɛ nakazyɛ étɛp ɛzɛbwak yɛ Yezu ɛ, bɛ kabee ɛ́, nyɛ eezegwyɛ. Yɛ ɛ́ étɛp tak ɛ bɛ nadi ààbwak nyɛ mɛko.

40Tin, bɔɔ bɛbá eezɛnɔɔ muu ɛ Yezu. Wɔ gwaa, bɛ zɛpil yɛ tɔ epes e bheeza, nɛ ɛseso mɛnanas menek é tak. Bot ɛ mbyak eYuda dyeebazezyɛ nɛ ɛsa ɛ́ deenek, é sok bɛ di ekɛdel mot ɛ.

10Yɛ kabɛ wɔy Timote ɔɔ, wɔ bɛ ɛ́ wɔ eegwak mɛlyo mam ɛnyɔɛpe, wɔ eebee mɛfulu mam, mɛsa mɛ mɛ di ekwyɛl ɛsa ɛ, ɛdum ɛ koŋ ɛ lam nɛ Zɛɛb, ɛmaad ɛ lyem’am, kwyɛl’am, nɛ zii’am,

13Tin, bot ɛ mbee lyem nɛ bot ɛ etsal, bɛ waatɔ́ sok tɔ embee mɛsa mɔɔ, bɛ waakɔɔ bɛsɔ bɔɔ. É di’enek, é mɛsik mɛ tak, bɛ ɛ́ waakɔɔ mɛnyel mɔɔ met.

15Kana edhɔma bɔ, wɔ nɛ gu Ekwyala na Dɛɛ. Yɛ ɛ́ nɛ ghwyil ɛdjɛ wɔ etsoŋ ee di edjɛ mot tsik tɔ ɛdum ɛ koŋ nɛ Yezu Klisto ɛ.

1Yezu eebaazɛkan ɛlii nɛ bot tɔ kana. Nyɛy náá:

30Etɛɛ náá, é ghɛŋ bot aagom bhis ɛsyee ɛ, botom aanàkwaakabaaba boa. Boa pe ààkwaani mɛba, etɛɛ náá, bot djas aakadi ɛ́, dáa efofop tɔ gwoo.

41Efalizyɛ nadi ɛ́, tɔ yɔbɔ zɛɛga. Yezu ɛ́ boozɛdji bɛ náá:

14Sɔsel mɛbhek kɛsɔs ɛ́ Mɛkpa ɛ Zɛɛb.

19tin, ɛwa lyem tɔ ɛsiiza esa e bɔs’ak, ɛwyeeb ɛ mɛvu, nɛ egwyes e esonok mbɛs ɛ́ di enyal Mɛkpa ɛ Zɛɛb tɔ elyem bɔɔ. Tin, ye kadi ɛ́, ààdjɛ bhum.

32Tin, yɛ bɛ náá, nyɛ eebɛaa ɔɔ, nyɛ waakwyil, mɛwyee mɛ ɛ́ dhaa ele ee di tɔ mɔɔ bok ɛ djas. Nyɛ waakwyil boo elɛɛ djala náá, enen lóo mɛk mɔɔ kɔ ebhuuz e tak.»

9Deenek, Zɛɛb nabɛ ɛ́ ààdjóo mena étɛp nyɛ neepɛ́ɛ mena, tin, ye nabɛ ɛ́ étɛp mena needika nɛ tsik nɛ din ɛ Ghɛŋ’enaka Yezu Klisto.

23Beta náá, Zɛɛb nyɛy ɛmet mot di ɛsuk ɛ egwyem ɔ, sa náá, bi di tɔ edɛɛ nyel djas. Deenek, nyɛ baal esisim bin, elyem bin, dɔɔ nɛ mɛnyel men djas, étɛp bi needi ààbɛ nɛ ndjɛ, dwoo Ghɛŋ’enaka Yezu Klisto aabula ɛ.

28Betka náá, enɛm nɛ embɛɛ Ghɛŋ’enaka Yezu Klisto di nɛ nen.

10Yezu eebulal mis gwyák bɛ, bhii tak, nyɛ eezɛke nɛ mot tak náá: «Sɛɛba mbɔ’ɔ.» Nyɛ eezɛsɛɛb mbɔ’ɛ, yɛ eezɛsekel, bula ɛnyɔɛpe.

43«Mbɛɛ le ààbya mbee bhum. Tyee wat nɛ mbee le, yɛ aanàkwaabya mbɛɛ bhum.

44Le djas gwyakaa ɛ́, nɛ ebhum nyɛ di edjɛ ɛ. Bhum efiigh ààbɔ́kaa kɔ le mɛgɔk. Baadi náá, bhum di saaa mɛnyok mɛ vin nɛ yɛ ɛ́, yɛ ààbɔ́kaa tɔ engwyinini.

4Tin, ye goka ɛ́ náá, enɛm bin di enɛm e lyem. Yɛ ɛ́ esa di elyaal náá, mot ɛ́ nɛ sisim mɛtela nɛ yii egwyem ɛ. Mbi yenek enɛm ɛ́ nɛ boo mɛtaŋ é mis ɛ Zɛɛb.

8Tin, ye goka ɛ́ náá, bi di nɛ esiiza nɛ ɛkwosak ɛ wat, dika nɛ kwyɛl pak’en dáa bɔn-nyɛɛg. Dika nɛ lyem ghoŋ, nɛ ɛdjɛel duu pak’en.

21Tin, mɛdii mɛ bhyoŋ tak kalyaal mos ɛ, ɛduwa Zɛɛb di etsik bin ɛ. Ɛduwa Zɛɛb tak tok étɛp ɛdis mendi di é mɛnyel men ɛ. Yɛ ɛ́ étɛp ɛwaab nɛ Zɛɛb náá, nyɛ sa náá, mena di nɛ elyem sɛŋ. Yɛ ɛ́ kɔ ɛsu ɛ Yezu Klisto mot naagomelaa pak myoŋ ɔ, ɛduwa Zɛɛb di edjɛ mena tsik.

2Sa mot ààdjisa ɛdjɛ bɛdjoŋ ɛ di ezyɛ pɛ daa len ɔ edi. Etɛɛ náá, é ɛsa deenek, bɛdhiiti bot naadjɛ efofop nazyɛ mɛdjoŋ pɛ daa lɔɔ edi, bɔɔ ààgu náá, bɛ nabɛ ɛ́ efofop.

8Yezu Klisto ɛ́ tyee wat koko, mos, kɔm-kɔm sii nɛ kɔm.

21Beta náá, Zɛɛb tak wat djɛ bin ghwyil ɛsesa enɛm esa, étɛp bi neesa ɛkwosak ɛ lɛ. Tin, Zɛɛb sa nɛ nen sa lyem’ɛ di ekwyɛl ɛ, é ze ɛ Yezu Klisto, mot di egoka nɛ ɛdjɛaa duu kɔm-kɔm sii nɛ kɔm ɛ! Amɛn.

1Yɛ ɛ́ mam Pɔl, mot-lwoma ɛ Klisto. Ye tok bot nasa náá, mɛ di mot-lwoma ɛ Klisto, ààkobɛ-bɛak ɛkwosak ɛ mot. Tin, yɛ ɛ́ kɔ ɛkwosak ɛ Yezu Klisto nɛ Zɛɛb Sɛɛg, mot nagomal nyɛ bhis ɛsyee ɔ, mɛ di mos mot-lwoma.

3Beta náá, Zɛɛb Sɛɛg’enaka nɛ Ghɛŋ Yezu Klisto djɛ bin enɛm nɛ embɛɛ nɛ egwyem bɛ.

10É di’enek, mɛ ààsaa náá, bot myaala nɛ nam, mɛ saŋ ɛ́ náá, Zɛɛb myaala nɛ nam. Mɛ ààkwyɛl náá, bot myaala nɛ nam. Mɛ ɛpedi ɛ́ di ekwyɛl náá, bot myaala nɛ nam ɔɔ, pe mɛ tok mot-mɛsa ɛ Klisto.

3Sa bis nabee nɛ ɛgwak ɛ, bis ɛpegoola bin yɛ ɛ́, etɛɛ náá, bi needi sama nɛ nes tɔ ɛgwakel ɛ bis di nɛ yɛ nɛ Zɛɛb Sɛɛg dɔɔ nɛ Mɔn’ɛ Yezu Klisto ɛ.

7Zɛɛb ɛ́ mɛkas. Tin, menabɛlka djas ɛ di ekɛ tɔ gwyɛ ngel dáa Zɛɛb nyɛy nyɛ ɛmet di ekɛ ɔɔ, menaka ɛ́ tɔ ɛgwakel pak’enaka. É di’enek, ghiya ɛ Yezu, Mɔn’ɛ waadis mena edhuud e mesyem djas.

9É di’enek, mena vaa mesyem mena pɛ daa Zɛɛb ɔɔ, mena ɛ́ nɛ ghwyil ɛdi nɛ ɛbwaalel etɛɛ náá, nyɛ ɛ́ mot epiki nɛ esosoob. Nyɛ waapel mesyem mena, nɛ ɛdis mena edhuud embee etɛp djas.

6Yɛ ɛ́ nɛ bɛtɛ nɛ membi mɛ ɛsa mɛsa mɛ Zɛɛb. Yɛ ɛ́ Zɛɛb yenɔk ngɔt ɛ di esa mɛsa menek djas tɔ lenaka.

12Nyel ɛ́ wat, tin, yɛ ɛ́ nɛ bɛtɛ nɛ ekyes. Tin, ekyes e tak nakoozobu, ekyes binek djas sa ɛ́ nyel wat. Yɛ ɛ́ tyee wat nɛ zɛɛga bot ɛ mendjaala, ye lyaal ɛ́ nyel ɛ Klisto.

27Guka náá, bi ɛ́ nyel ɛ Klisto. Mot nɛ mot pak’en ɛ́ kyes wat é nyel tak.

20Yɛ ɛ́ nyɛy ɛ zodi ekɛm mɛ tɔ etɛp bam. Nyɛy ɛ di etaala bin nɛ tsɛɛtsɛ tyee wat nɛ nam.

25É di’enek, mɛ bee ɛ́ náá, yɛ ɛ́ ɛnyɔɛpe náá, mɛ bulal bin mɔn-nyɛɛg’ena Epafolodhit. Nyɛ ɛ́ mot di egyee bis nɛ nɛ tɔ mɛsa mɛ Klisto ɔ, mot bis nɛ nɛ di eduu tɔ mɛsa mɛ ɛgoola Mbɛɛ Bhaadal ɔ, mot bi nadhis mɛ nwyak étɛp nyɛ neezɛkwyee mɛ tɔ mɛsa mɛ mɛ nadi esa ɛ.

30etɛɛ náá, nyɛ naawaagwyɛ étɛp mɛsa mɛ Klisto. Nyɛ naaka nyel étɛp ɛzɛkwyee mɛ tɔ mɛsa mɛ bi nadi ààbɛ nɛ ghwyil ɛzɛkwyee mɛ biyɔ bɛmet ɛ.

1Dáa ye di náá, Zɛɛb eedjɛ mena di epiki é mis mɛ, kɔ ɛsu ɛdum ɛ koŋ ɛ lena nɛ nɛ ɛ, yɛ ɛ́ mena dika mos tɔ ɛgwakel nɛ nɛ kɔ ɛsu ɛ Ghɛŋ’enaka Yezu Klisto’aak.

2Yɛ ɛ́ kɔ ɛsu ɛ ɛdum ɛ koŋ nɛ Yezu ɛ mena belaka ze ɛbela enɛm nɛ embɛɛ e Zɛɛb ee mena dika mos ghiŋ tɔ tak’aak. Yɛ ɛ́ étɛp tak ɛ mena dika tɔ mɛmyaala mɛ ɛbwaalel ɛdi ɛ́ tɔ duma ɛ Zɛɛb.

9Dáa ye di náá, yɛ ɛ́ kɔ ɛsu ɛ buwa nyel’ɛ ɛ, mena moo nenak bot ɛ epiki é mis ɛ Zɛɛb, tin, yɛ ɛ́ tsɛɛtsɛ náá, Klisto aabaatsik mena si ɛbuk ɛ Zɛɛb.

10Bɛ nadi etsim ɛlyelɛpe: «Ghɛŋ mot edɛɛ, mot etsɛɛtsɛ, wɔ aaboopɛ́ɛ bot ɛ bɔs’ak den, étɛp ɛwa bɛ é feŋ etɛɛ náá, bɛ naagó bis?»

11É di’enek, bɛ naadjɛ mot nɛ mot pak’ɔɔ lɔbɔ na puu. Wɔ gwaa, nyɛ zɛke nɛ nɔɔ náá, bɛ pookogwaal ba mɔɔ ɛwala batsa, kɛkum dwoo bɛ aabil mɛtaŋ mɛ bɔn-nyɛɛg nɛ bot ɛ bɛ nɛ bɛnɔɔ nadi esa mɛsa mɛ Zɛɛb ɔ, bot ɛ di náá, bɛ aagóaa dáa bɔɔ ɔ.

14Tin, gwoo naazɛwol nyel dáa bɛ dyeebawol bum ɛ. Mɛtsok djas nɛ eghola djas naadisaa é edi nadidi ɔ.

14Tin, mbee ɛkwosak ɛ mot nɛ mot ɛ di edul mot tɔ embee etɛp.

23Etɛɛ náá, mot di egwak Mɛkpa ɛ Zɛɛb, da nyɛ kadi ààkɛ tyee mɛkpa mɛ tak di elɛɛ ɛ́, nyɛ ɛ́ dhatyee mot di ebee ɛbhwoob ɛ lɛ tɔ ɛnyen ɛ. Nyɛ zobee ɛ́ dáa nyɛ di ɛ.

26Mot ɛ ke náá, nyɛ ɛ́ mot di edjaala Zɛɛb ɛnyɔɛpe ɔɔ, bela náá, nyɛ ɛ́ mot di ekwyɛs nuub ɔɔ, nyɛ eekɔɔ nyel’ɛ, mendjaala mɛ ɛ́ toto.