Fofop ngɔt eetuula bɛmbaalel ɛ ebhata
8 É kyee dik tak wat, ye nabɛ ɛ́ nɛ bɛmbaalel ɛ ebhata, bɛ nadi ɛ́ tɔ bal ebaal ɛsaŋ ɛ ebhata bɔɔ é pum. 9 Wɔ gwaa, fofop ɛ Ghɛŋ zɛtuula bɛ. Mɛkas ɛ Ghɛŋ naazɛkaal bɛ bweee. Wɔ gwaa, bwoo zɛsa bɛ ɛbuɛpe. 10 Tinaak, fofop eezɛlɛɛ bɛ náá: «Nàbemka ba, etɛɛ náá, mɛ zyɛ ɛ́, zɛgoola bin Mbɛɛ Bhaadal, yii bot djas aamyaala nɛ yɛ ɛ. 11 É pum’ak mos, kɔ dɛl ɛ Dhavid, Mɛtsik-bot eezebyel étɛp’en. Yɛ ɛ́ Mɛsia, Ghɛŋ. 12 Beeka geka bi aagwyak nyɛ nɛ yɛ ɛ: bi ɛ́ waabela mɔɔ tɔlɔɔ wola tɔ bhelangiti, ndjaasi kɔ mɔɔ tɛɛg bɛ di ekɛl edee e ebhata ɛ.»
13 É di’enek wat, wɔ gwaa, bɛtɛ nɛ efofop zokadus tɔ gwoo, zɛsɛɛga nɛ fofop nadi tinaak sok ɔ, bɛ moo tin eduwal Zɛɛb, bɔɔ náá:
14 «Duu nɛ Zɛɛb pɛ ɛko tɔ gwoo,
tin, egwyem kɔ bɔs dum nɛ bot ɛ nyɛ di ekwyɛl ɔ!»