Etsoŋ ee di edus pɛ ɛko ɛ
13 Dhiiti mot pak’en ɛpegek náá, nyɛ ɛ́ nɛ etsoŋ nɛ mɛtselal é? Tin, nyɛ ɛ́ goka nɛ ɛtel yɛ ɛ́, tɔ mɛsa mɛ ghwyikwyee, nɛ tɔ mɛsila mɛ nyel nɛ etsoŋ. 14 Tin, bi ɛ di nɛ bhyen, ààbɛ nɛ lyem ɛ ɛgwakel ɔɔ, betka ɛghɛɛ mɛnyel, etɛɛ náá, bi ààlɛɛ etsɛɛtsɛ. 15 Kwaambi yenek etsoŋ ààdus pɛ ɛko, yɛ ɛ́ etɛp e bot ɛ bɔs’ak, yii bot ɛ epuud, yɛ ɛ́ yii Satan. 16 É di bhyen nɛ mbee lyem di ɔ, tin, bi ɛ́ waabaabela ɛzɛm nɛ ekɔkɔ e mbee etɛp djas.
17 Tin, etsoŋ ee di edus pɛ tɔ gwoo ɛ, pookodi sok ɛ́ dɛɛ. Bhii tak etsoŋ e tak kadjɛ ɛ́ mɛtela mɛ lyem, egwyem nɛ ɛgu ɛlii, nyɛ nɛ gek bɔɔ bɛsɔ ghoŋ, nyɛ ɛ́ nɛ bu enɛm nɛ embɛɛ. Nyɛ ààsa mbɛk pak bot, nyɛ ààgu mɛkɔŋ. 18 Bot ɛ di ewa egwyem pak’ɔɔ, bɛ ɛ́ dáa bot ɛ di ebɛ see ɔ. Deenek, bot ɛ tak ɛ́ waabɔ́k bhum, bhum tak ɛ́ mɛsa mɛ bot ɛ epiki.