4 Ma voi, frats sh-surãri, nu hits tu scutidi, tsi atsea dzuã s-vã acatsã ca fur. 5 Tuts voi hits hiljilji a lunjinãljei sh-hiljilji a dzuãljei. Noi nu him a noaptiljei, nitsi a scutidlui. 6 Trã atsea s-nu durnjim ca alantsãlji, ma s-vigljem shi s-him dishtiptats. 7 Cã atselji tsi dormu, dormu noaptea, sh-atselji tsi s-mbeatã, s-mbeatã noaptea. 8 Iarã noi, tsi him a dzuãljei, s-him dishtiptats, avãnda nviscut pistea sh-vrearea ca cheptarlu, sh-nãdia trã ascãpari ca acupiritura a caplui. 9 Cã Dumnidzãlu nu nã ari bãgatã trã nãriri, ma trã loari ascãparea prit Domnul a nostru, Isus Hristos.