Unitatea a Pistiljei
1 Mini hãpsãnitlu trã Domnul vã rog s-fãtsets unã banã tinjisit trã Domnul tsi vã acljimã. 2 S-hits didip aplicats sh-froninji, s-avets arãvdari, s-aprucheats un-alantu cu vreari. 3 Fãtsets itsi putets tra s-tsãnets unitatea tsi da Duhlu prit pacea tsi vã leagã cu un alantu. 4 Easti un trup sh-un Duh, ashãtsi cum easti unã nãdii la cai Dumnidzãlu vã acljimã. 5 Easti singur un Domnu, unã pisti, un pitedz, 6 un Dumnidzã sh-Tatãl a tutulor, tsi easti pristi tuts, prit tuti sh-tu tuti. 7 Ma a cathiunui di noi lji si deadi har dupã mizura tsi lji durusi Hristolu. 8 Trã aestã s-dzãtsi: "Cãndu s-alinã tu anãltsãmi, sclãvusi sclayilji sh-deadi doari a oaminjlor."4:8 Ps 68:18. 9 Zborlu "s-alinã" va s-dzãcã cã elu dipunã ma nãinti tu pãrtsili di ma nghios a loclui? 10 Atsel tsi dipunã easti idyiul atsel tsi s-alinã pristi tuti tserurili, tra s-umplã itsido. 11 Niscãntsã elu lji featsi apostulji, niscãntsã lji featsi prufits, niscãntsã lji featsi evanghelishtsã, sh-alantsãlji lji featsi picurari sh-nvitsãtori, 12 trã etimãsirea a sãmtsãlor trã lucrul a huzmitipsiriljei, trã adrarea a truplui a Hristolui,