1 Iacovul, huzmichearlu al Dumnidzãu sh-al Domnul Isus Hristos, cãtrã atselji doisprãdzatsi fãri arãspãnditi tu dunjeauã Sãnãtati!

2 Fratsi sh-surãri a meali, s-lugursits ca mari harauã cãndu vã ncuntreadzã cu cãrteari soi di soi, 3 cã voi u shtits cã prova a pistiljei a voastrã va s-aducã arãvdarea. 4 Shi arãvdarea la voi s-mplineascã lucrul a ljei, tsi sh-voi s-hits perfectsã sh-ntredzi, shi s-nu vã lipseascã tsiva. 5 Macã a vãrui di voi lj-lipseashti mintimeniljea, s-lji caftã a Dumnidzãlui cai da a tutulor fãrã icunumii sh-fãrã vãrghiri, sh-Dumnidzãlu a lui va lji da. 6 Ma elu prindi s-u caftã cu pisti sh-fãrã ãndoiri, cã atsel tsi ãndoiashti easti ca vãljuri a amariljei, sculat shi plãscãnit dit vimtul. 7 Atsel om nu prindi s-ashteaptã s-ljea tsiva di la Domnul. 8 Ahtari om easti cu doauã minti shi ni-stabilizat tu itsido tsi fatsi. 9 Fratili shi sora ni-avut s-hãrseascã, cã Dumnidzãlu va lji analtã, 10 iarã avutlu va s-apunã, cã va s-treacã ca lilicea a iarbãljei. 11 Cum si scoalã soarili cu cãldura a lui shi ardi iarba, sh-lilicea si usucã shi mushãteatsa a ljei cheari, ashãtsi va s-treacã shi avutlu prit lucrili a lui. 12 Ca hara di atsel om tsi aravdã prova, cã cãndu ari tricut prova, va s-arãsplãteascã cu curuna a banãljei, tsi Domnul lã u tãxi atsilor tsi l-u vor. 13 Vãrã cãndu easti cãrtit, s-nu dzãc cã easti cãrtit di la Dumnidzãlu, cã elu nu poati s-cãrteascã di arãulu, shi Dumnidzãlu nu cãrteashti vãrã. 14 Ma caitsido s-cãrteashti di orixea a lui tsi u tradzi sh-u arãdi. 15 Dupã atsea, orixea cãndu s-ngarcã, amintã amãrtii, sh-amãrtia cãndu s-fatsi, adutsi moartea. 16 S-nu vã arãdets, frats sh-surãri a melji multu vruts. 17 Itsi bunãtati sh-itsi doarã perfectu yini di nsus sh-dipuni di la Tatãl a lunjinãljei, tsi nu alãxeashti sh-nu ari aumbrã di alãxiri tu nãsu. 18 Elu aleapsi s-nã amintã prit zborlu a alihiljei, tsi noi ashã s-him ca protlu frut a adãrãturilor a lui.

19 Tora frats sh-surãri a meali multu vruts: Cathiunu s-hibã etimu tu ascultari, misurat tu greari, shi amãnat tu nãriri. 20 Cã omlu cu inatea a lui nu mplineashti ndriptatea a Dumnidzãlui. 21 Trã atsea, arucats nclo itsi lãvushiturã sh-itsi arãutati altã, aprucheats-lu cu aplicãciuni zborlu a Dumnidzãlui siminat la voi, tsi poati s-ascapã suflitli a voastri. 22 Fãtsets-vã fãcãtori a zborlui, sh-nu singur ascultãtori tsi s-arãd elji idyi. 23 Macã un easti ascultãtor a zborlui sh-nu fãcãtor a zborlui, elu undzeashti cu un om tsi mutreashti fatsa a lui tu cutii, 24 shi dupã tsi u mutreashti, fudzi sh-troarã agãrshashti cum eara. 25 Ma atsel tsi u veadi cu cãshtigã mari legea perfectã a libertatiljei sh-u tsãni tu nãsu, nu ca vãrã ascultãtor tsi agãrshashti, ma ca mplinitor a ljei, elu va hibã ghinicuvintat tu lucrarea a lui. 26 Macã vãrã mindueashti cã easti pistimen sh-nu poati s-u ncljidã gura, arãdi inima a lui, sh-pistea a lui easti digeaba. 27 Religia curatã shi nilãvushitã nãintea a Dumnidzãlui, Tatãl easti aestã: cãshtigarea trã oarfãnjlji, trã veduvili tu taxirãtsili a lor, shi vigljearea curat a banãljei di lumea.