1 Ndeni, muleke uhofu vonda, pamwi na udesi vonda na ufyangu na wifu na kuheya. 2 Muveche ngita fyali, mudoboke mavele gya undakyene gya kimuhe, neke gavatange kukula mu ulowa. 3 Kwakuva nyenye vavene muchele kuva Mtwa ndi msanzi.

4 Suwe, mumheleliye Mtwa, mwene ndi liganga leligehe wumi, lyelilemilwe na vanu, ila kwa Nguluvi ndi liganga lyelihaguliwe na ligehe na samani kwa mwene. 5 Ndeni ndeni na nyenye ngita maganga gegagehe uwumi mwichengwa neke kuva kaye la Nguluvi. Muvechile vatekechi veihaguliwe kwajili lya Nguluvi na mukimngumbanikila Nguluvi kwa kuhecha usembe va kimuhe chechidikilwa na Nguluvi kwa ng'asi lya Yesu Kilisito. 6 Ndeni, masimbo gya Nguluvi gilonga,

"Lolile, ndivika liganga lya kitamiko ukoya ku Sayuni,

lyeliahuguliwe na ligehe na samani, munu yeyonda daikumdikila,

uyo daseibedwa ha." 7 Suwe, uginyange ugu ndi kwa nyenye yemudikila, ila kwa vala sevadikila, ngita masimbo ga Nguluvi pegilonga,

"Liganga lyevalilemile vachengi,

nondee livechile liganga likomi lya kitamiko." 8 Kangi masimbo ga Nguluvi gilonga,

"Liganga ilyo ndi liganga lya kwikumbadula,

liganga lya kuvagwisila vanu." Vanu vikwikumbadula kwakuva sevaudikila ula unanzi va Nguluvi na vanengilwe kuhuma dahile.

9 Ila nyenye ndi vanu mwemuhaguliwe na vatekechi va kaye lya king'achale. Nyenye ndi inyi yeihaguliwe kwajili lya Nguluvi na ndi vanu va Nguluvi yumwene neke mulanduche magito ganofu lya yula yeavakemeliye muhege mukisi na mwingile mu welu lwake lwa umanyitu. 10 Pamwandi ipo semukali vanu va Nguluvi, ila nondee muvechile vanu va Nguluvi. Kangi pamwindi ipo semukawanuke lusungu lwa Nguluvi, ila nondee muwanuke lusungu lwake.

11 Vaganja vangu vakelwa, ndikuvasuka hilo ngita vagenji na vachumba ng'asi mu inyi iyi, muveche kutali na ludoboko chihafu cha mvili, ambacho chikwipinja na muhe chenu. 12 Mwing'ang'wa kuva na njuma nofu pautalo lya vanu sevamchele Nguluvi, neke ngita vakuvalonga kuva nyenye ndi vagita manjanganifu, davalola magito gyenu manofu na vamnjume Nguluvi mu kigono kya kwacha kwa mwene.

13 Suwe, mudikile mamulaka gyonda gyegivikilwe na vanu, iveche ndi lya ng'achale yeagehe mkomi kuchumba vonda, 14 awu gya filongochi vevahaguliwe na ng'achale neke vavatove vala vevigita nongwa na kuvanjuma vala vevigita manofu. 15 Kwakuva Nguluvi ing'ang'a muwese kugapecha, njowo cha upufi cha vanu vevihela luhala kwa kuchumbila magito manofu gemugita. 16 Mwikale ngita vanu yevali na upekesu, ila mubihile kutumila upekesu venu kuufiya unjanganifu, ila mwikale ngita vanyigendwa va Nguluvi. 17 Muvaginye vanu vonda, vakeleni lukolo venu vevamdikila Nguluvi. Muhuvilile Nguluvi na kumpulikicha ng'achale.

18 Nyenye vanyigendwa, muvadikiye vakomi venu kwa uginyange vonda, sevala hela vevagehe vanofu awu vafokomasi ata vakiva vang'ali. 19 Nguluvi ikeduka ngita munu ihuvilila magudo gyeseing'ang'wa kugapatila, kwakuva igita kila kye kikumkedusa Nguluvi. 20 Kugehe njuma liki yeigehe kwa veve ngita dautovwa kwa kugita unjanganifu na kuhuvulila? Ila ngita daugudika kwa kugita manofu na kuhuvilila, Nguluvi daakuvafunya Nguluvi. 21 Nyenye mukemeliwe kwa njowo icho, kwakuva Kilisito akagudikile kwajili lyenu na kwa kugita ndeni akavalekiye mufano, neke mugite ngita peagitile mwene. 22 Mwene seagitile sambi, vala sealongile kinu kyokyonda kya udesi. 23 Mwene pealigilwe seawuyise, peagudike seakavawogopiche, ila akamuhuvilila Nguluvi, muhiga nongwa bila umwilila. 24 Yumwene akachinyamule sambi chetu mu mvili vake pevamvambile mulipindilihicho, neke tufuwe kwa makani gya sambi na twikale kwa kugita makani gyegikumkelesa Nguluvi. Kwa vikong'o fyake nyenye munanilwe. 25 Nyenye mukali ngita kondolo vevakali vayagile, ila nondee muwuyile kwa yula mkwamila na mlolela va uwumi venu.