1 ✝ ୨୧:୧ ୨ ପିତ ୩:୧୩. ସଃରାସଃରି ହଃଚେ ମୁୟ୍‌ ଗଟେକ୍‌ ନଃଉଆଁ ଅଃଗାସ୍‌ ଆର୍‌ ନଃଉଆଁ ହୁର୍ତି ଦଃକ୍‌ଲେ । ହଃର୍ନା ଅଃଗାସ୍‌, ହଃର୍ନା ହୁର୍ତି ନଃସ୍ଟ୍‌ ଅୟ୍‌ରିଲି, ଆର୍‌ ସଃମ୍‌ନ୍ଦ୍ ନଃରିଲି । 2 ✝୨୧:୨ ପ୍ରକା ୩:୧୨.ଆର୍‌ ଗଟେକ୍‌ ପବିତ୍ର ଗଃଳ୍‌, ନଃଉଆଁ ଜିରୁସାଲମ୍‌, କଃନ୍ୟା ବେସେ ତିଆର୍‌ ଅୟି ସଃର୍ଗାର୍‌ ଇସ୍ୱରାର୍‌ ତଃୟ୍‌ହୁଣି ହୁର୍ତି ଉହ୍ରେ ଉତୁର୍ତାର୍‌ ଦଃକ୍‌ଲେ । 3 ଆରେକ୍‌ ସଃର୍ଗାର୍‌ ସିଙ୍ଗାସଣେ ହୁଣି ଗଟେକ୍‌ ସଃବ୍‌ଦ୍‌ ଆୟ୍‌ଲି, "ଅଃବେ ଇସ୍ୱରାର୍‌ ବାସା କଃର୍ତା ଟାଣ୍ ମାନାୟ୍‌ମଃନାର୍‌ ତଃୟ୍‌ ଆଚେ, ସେ ସେମଃନାର୍‌ ସଃଙ୍ଗ୍ ବାସା କଃରେଦ୍‌ ଆର୍‌ ସେମଃନ୍ ତାର୍‌ ନିଜାର୍ ଲକ୍‌ ଅଃଉତି । ଇସ୍ୱର୍‌ ନିଜେ ସେମଃନାର୍‌ ସଃଙ୍ଗ୍ ବାସା କଃରେଦ୍‌ ଆର୍‌ ସେ ସେମଃନାର୍‌ ଇସ୍ୱର୍‌ ଅୟ୍‌ଦ୍‌ । 4 ଇସ୍ୱର୍‌ ସେମଃନାର୍‌ ଆକିର୍‌ ସଃବୁ ଆସୁ ହୁଚି ଦଃୟ୍‌ଦ୍‌ । ମଃର୍ନ୍‌, ଦୁକ୍‌, କାନ୍ଦ୍‌ତାର୍‌ କି ଦୁକା ଆରେକ୍‌ ନଃରେୟ୍‌ । ସଃବୁ ହଃର୍ନା ବିସୟ୍‌ ନାସ୍‌ ଅୟିଆଚେ ।"

5 ସିଙ୍ଗାସଣ୍ ଉହ୍ରେ ବଃସ୍‌ଲା ଲକ୍‌ କୟ୍‌ଲା, "ହେଁ ମୁୟ୍‌ ସଃବୁ ବିସୟ୍‌ ନଃଉଆଁ କଃରିଆଚି ।" ଆରେକ୍‌ ସେ ମକ୍‌ ଆଦେସ୍‌ ଦିଲା, "ଇ ସଃବୁ କଃତା ଲେକ୍‌, କାୟିତାକ୍‌ବଃଲେକ୍‌ ଇରି ସଃତ୍‌ ଆର୍‌ ବିସ୍ୱାସାର୍‌ ଜୟ୍‌ଗ୍‌ ।"