Kantik A Kantik Yo 4

Salomon

1 A la ou bèl, cheri mwen an, a la ou bèl!

✝ 4:1 Kan 1:15 Zye ou tankou toutrèl dèyè vwal ou;

cheve ou tankou yon bann kabrit

ki fin desann sòti Mòn Galaad.

2 ✝ 4:2 Kan 6:6 Dan ou tankou yon bann mouton

ak lenn fenk taye ki sot benyen.

Yo tout fè pòtre jimo yo,

ni youn nan yo pa pèdi pitit li.

3 Lèv ou tankou ✝4:3 Jos 2:18fisèl wouj

e bouch ou tèlman bèl.

De bò figi ou tankou yon tranch grenad dèyè vwal ou.

4 ✝ 4:4 Kan 7:4 Kou ou tankou fò David la,

bati ak wòch byen ranje sou sila yo mete mil boukliye yo,

tout boukliye won a mesye pwisan yo.

5 ✝ 4:5 Kan 7:3 De tete ou tankou de jèn ti antilòp;

jimo manman k ap chache manje pami flè lis yo.

6 ✝ 4:6 Kan 2:17 Jiskaske jou a bese pou l vin fre

e lonbraj yo vin disparèt,

mwen va trase chemen mwen rive nan mòn

fèy bazilik la, ak nan kolin lansan an.

7 ✝ 4:7 Kan 1:15 Ou fin bèl nèt, cheri mwen an,

e nanpwen defo nan ou.

8 Vin avè m soti ✝4:8 I Wa 4:33Liban, fi maryaj mwen an;

m bezwen ou vini avè m sòti Liban.

Vwayaje desann soti nan wo pwent Amana,

soti nan wo pwent Mòn Senir ak Hermon;

soti nan kav lyon yo, nan mòn a leyopa yo.

9 Ou fè kè m bat pi vit sè mwen, fi maryaj mwen an;

ou te fè kè m bat pi vit ak yon sèl ti kout zye tou kout,

ak yon sèl bout fisèl nan ✝4:9 Jen 41:42kolye ou.

10 ✝ 4:10 Kan 7:6 A la bèl lanmou ou bèl, sè mwen an,

fi a maryaj mwen an!

A la pi bon lanmou ou pi bon pase diven

e bon odè a lwil ou depase tout kalite epis!

11 Lèv ou, fi a maryaj mwen an, gen gou siwo myèl;

siwo myèl ak lèt anba lang ou.

Bon odè vètman ou tankou ✝4:11 Jen 27:27bon odè Liban an.

12 Yon jaden fèmen ak kle se sè mwen,

fi a maryaj mwen;

yon jaden wòch ki fèmen,

yon fontèn dlo ki ✝4:12 Jen 29:3ansèkle.

13 Boujon ou se yon chan kiltive ak pye grenad,

ak fwi chwazi, pye jasmen ak ti bonm;

14 ti bonm ak safran, sitwonèl ak kannèl,

ak tout bwa lansan yo, ✝4:14 Sòm 45:8 lami ak lalwa,

ansanm ak tout meyè kalite epis yo.

15 Ou menm se yon sous jaden,

yon pwi ✝4:15 Za 14:8dlo fre ak ti ravin dlo k ap kouri soti Liban.

Jenn Fi an

16 Leve, o van nan nò a, e vini van nan sid!

Fè jaden mwen respire ak souf bon odè;

kite epis li yo vante gaye toupatou.

Ke cheri mwen an vin nan jaden li an

pou manje tout fwi chwa li yo.