Pwovèb 10

1 Pwovèb a Salomon yo.

Yon fis ki saj fè papa li kontan,

men yon fis ki plen ak foli

se yon gwo doulè pou manman l.

2 ✝ 10:2 Sòm 49:7 Richès ranmase pa mechanste pa reyisi,

men ladwati delivre soti nan lanmò.

3 SENYÈ a p ap kite moun ladwati yo grangou,

men l ap rejte lanvi mechan an.

4 Malere se sila ki travay ak men lach;

men lamen moun dilijan an, anrichi.

5 Sila ki fè rekòlt nan gran sezon an a,

se yon fis ki aji ak sajès;

men sila ki dòmi nan lè rekòlt la,

fè gwo wont.

6 Benediksyon se sou tèt a moun dwat la;

men ✝10:6 Pwov 10:11bouch mechan an kache vyolans.

7 Memwa a moun dwat la beni;

men ✝10:7 Sòm 9:5 non mechan an vin pouri.

8 ✝ 10:8 Pwov 9:8 Saj nan kè yo va resevwa lòd chèf la;

men yon moun fou ki pale anpil ap pèdi.

9 Sila ki mache ak entegrite a, mache an sekirite;

men sila ✝10:9 Pwov 26:6 ki fè wout kwochi a va vin dekouvri.

10 Sila ✝10:10 Sòm 35:19ki bat zye a, koze pwoblèm,

e moun fou a ki pale anpil, fè dega.

11 ✝ 10:11 Sòm 37:30 Bouch a moun dwat se yon fontèn dlo lavi,

men bouch a mechan an kache vyolans.

12 Rayisman pwovoke konfli;

men lanmou kouvri tout fot.

13 Sou ✝10:13 Pwov 10:31lèv a moun ki konn disène, nou twouve sajès;

men gen baton pou do a sila ki manke konprann nan.

14 Moun saj yo ranmase konesans;

men ak ✝10:14 Pwov 10:8-10 bouch moun fou a, destriksyon an toupre.

15 Byen a moun rich se yon sitadèl pou li.

✝ 10:15 Pwov 19:7 Sa ki detwi malere a se mizè.

16 ✝ 10:16 Pwov 11:18-19 Salè a moun dwat se lavi;

revni a mechan an se pinisyon.

17 Sila ki swiv enstriksyon an, ✝10:17 Pwov 6:23sou wout lavi;

men sila ki pa tande repwòch la vin egare nèt.

18 Sila ✝10:18 Pwov 26:24ki kache rayisman an gen lèv k ap bay manti;

e sila ki gaye difamasyon an se yon moun fou.

19 Lè gen anpil pawòl, transgresyon pa kab evite;

men ✝10:19 Pwov 17:27sila ki frennen lèv li gen sajès.

20 Lang a moun dwat yo se tankou ✝10:20 Pwov 8:19ajan pi chwazi a;

men kè a mechan an vo piti.

21 ✝ 10:21 Pwov 10:11 Lèv a moun dwat yo fè anpil moun manje;

men moun fou yo mouri akoz mank bon konprann.

22 Benediksyon SENYÈ a fè moun rich;

konsa li pa mele ak chagren.

23 Fè mal se tankou fè spò pou moun san konprann nan;

e se konsa sajès la ye pou moun entèlijan an.

24 Sa ke mechan an pè a, ap rive sou li;

men ✝10:24 Sòm 145:19sa ke moun dwat la vle, va vin reyisi.

25 Lè toubiyon an fin pase, mechan an vin disparèt;

men moun dwat la gen yon fondasyon etènèl.

26 Tankou vinèg anba dan ak lafimen nan zye;

se konsa ✝10:26 Pwov 26:6parese a ye pou sila ki voye li yo.

27 ✝ 10:27 Pwov 3:2 Lakrent SENYÈ a pwolonje lavi;

men lane mechan yo va kout.

28 Lespwa a moun dwat la se kè kontan;

men ✝10:28 Job 8:13 entansyon mechan an va peri.

29 Chemen Bondye a se yon sitadèl pou moun dwat yo;

men ✝10:29 Pwov 21:15 destriksyon nèt pou tout ouvriye inikite yo.

30 Moun ladwati a p ap janm souke;

men ✝10:30 Pwov 2:22mechan yo p ap demere nan peyi a.

31 ✝ 10:31 Sòm 37:30 Bouch a moun dwat la koule ak sajès;

men lang pèvès la vin koupe.

32 Lèv a moun dwat yo fè parèt ✝10:32 Ekl 12:10sa ki bon;

men bouch a mechan an, sa ki pèvèti.