Provérbios 2

1 Fis mwen an, si ou resevwa pawòl mwen yo,

e ✝2:1 Pwov 3:1gade kòmandman mwen yo nan kè ou,

2 e ✝2:2 Pwov 22:17fè zòrèy ou atantif a sajès;

e enkline zòrèy ou vè bon konprann,

3 wi, si ou leve vwa w pou sajès;

e leve vwa ou vè bon konprann;

4 si ou chache li kon ajan,

e fè rechèch dèyè li kon trezò ✝2:4 Job 3:21ki kache;

5 nan lè sa a, ou va dekouvri ✝2:5 Pwov 1:7lakrent SENYÈ a,

e dekouvri konesans Bondye a.

6 Paske, ✝2:6 I Wa 3:12SENYÈ a bay sajès.

Nan bouch Li, soti konesans ak bon konprann.

7 Li mete sajès nan depo pou moun dwat la.

Li se ✝2:7 Sòm 84:11boukliye pou sila ki mache ak entegrite yo,

8 Ka p veye chemen lajistis yo,

e ✝2:8 I Sam 2:9pwoteje chemen a fidèl Li yo.

9 Konsa, ou va dekouvri ✝2:9 Pwov 8:20ladwati ak jistis,

e menm egalite avèk tout bon chemen yo.

10 Paske, sajès va antre nan kè ou,

e ✝2:10 Pwov 22:18 konesans va fè ou alèz jis rive nan nanm ou.

11 Bon konprann va ✝2:11 Pwov 4:6pwoteje ou,

konesans va veye sou ou,

12 pou ✝2:12 Pwov 28:26pwoteje ou kont chemen mal la,

kont lòm ki pale bagay pèvès yo.

13 Kont sila ki ✝2:13 Pwov 21:16kite chemen ladwati yo

pou mache nan chemen fènwa yo;

14 ki ✝2:14 Pwov 10:23pran plezi nan fè sa ki mal

e rejwi nan mechanste mal la.

15 Chemen a sila ki vin ✝2:15 Sòm 125:5kwochi yo

e ki vin gaye kò yo nan tout sa yo fè.

16 Pou delivre ou soti nan men fanm etranje a,

soti nan men ✝2:16 Pwov 23:27fanm adiltè ki flate ak pawòl li;

17 ki kite ✝2:17 Mat 2:14-15konpanyen jenès li a,

e ki bliye akò a Bondye li;

18 paske lakay li mennen a lanmò

e tras a pla pye li yo rive kote mò yo.

19 Pèsòn ✝2:19 Ekl 7:26ki ale kote li menm, pa retounen ankò,

ni yo pa jwenn pa lavi.

20 Akoz sa a, ou va ✝2:20 Eb 6:12mache nan chemen a sila ki bon yo,

e swiv tras a moun ladwati yo.

21 Paske moun dwat yo va viv nan peyi a,

e ✝2:21 Pwov 28:10 sila ki san tò yo va rete ladann;

22 men mechan yo va koupe retire nèt de peyi a,

e moun trèt yo va ✝2:22 Det 28:63 dechouke de li.