1 Bi to miri vayi won, iye mbu ri yi ran he kuklu ran. 2 Bi to bibi riwa wa kra ta tu ri Filibi ko ki ye ri yi ri Tasalonika. Ka riwa wa nji mbi wa kamba ri ta ama ri dzon Izhi mbu ki la yi tre Izhi. 3 Itre Izhi riwa ki la a ran he yɨba nyu ran, a ran he ri meme ti ran, a ran he che ran. 4 Tsede bibi riwa Izhi tre ki tre nye ki la, ritu kita nye Izhi no ta tre raro ri ki tre. ki ran ri ti ritu no nji no wa yi ta ran ama ritu no sii Izhi sron, riwa a to sron mbu. 5 Bi to ki ran tɨretɨrewa che ko ki ka si mbi ran, Izhi he to mbu. 6 Ki ran wa no yi yii ta, ko ri njo ri nkan ran.

Ka kita miri ndu Izhi ki ri he nchon ndu ri yii, 7 ama kita ki he rereri yi, ka iyi vren ri ya vren wan. 8 Ritu ki nyɨme yi bran ki ka ngambu no yi, a ran tre Izhi nkankshe riwa ki no yi ran nga ri sron mbu ngawen, ritu bi gra sron mbu bran. 9 Biyi miri vayi ko bi ya taka bibi yaa riwa ki so-a, ki ti ndu ri wo mbu ri chu ri ji, ritu ki ran no ko ngaa ya rimi mbi ran ri vi riwa ki ran la tre Izhi. 10 Biyi nga Izhi bi he ito mbu, ri bibi son ri Tsitsri, nga son tsra riwa a ran meme ran ri biyi wa hu Izhi wawu. 11 Biyi wawu bi to ki ti ri yi bibi riwa A ti ri ti ri miri wan. 12 Ki ŋoron yi, ki ri tre tre ri no yi sisron ki ri sondu la yi no yi sonson riwa ari si Izhi sron, riwa a yo yi hi ri kpanchison wan ri gbre. 13 Ngha ki sondu ri ngɨri ri Izhi, ritu ka ki la tre Izhi ri yi bi ran kpa ka a he tre nji ran ama ritu a he tre Izhi, riwa ari ti ndu rimi mbi. 14 Biyi miri vayi, ikya riwa ari he ri yi, wawu nye a fe wa hu Izhi rimi Yudiya, bi so yaa ri wo wambi, bibi wan nye wa nji Yudiya wa so ri wo wa nji mba nji Yahuda. 15 nji Yahuda-a nye wa wuu Yeso nga wa la tre Izhi wari dzu ta. Wa ran ran ti kya riwa Izhi nyɨme wu ran, nga wa ri yo wa nji wawu kusi, 16 wa ran nyɨme no to ki tre tre Izhi ri kusi wawa wa ran to Izhi ran itre riwa ari ngɨzhi kpawa chuwo ye. Nghamba ngawen meme ti riwa wa ti a kigbu bran bran nfu Izhi ka ku ri wa ri kre wan.

17 Ama miri vayi won ri vi riwa ki ka ngambu don ivi hari, ki ka ka ngambu don ri kpa ama ki sondu ri taka mbi ri sron ki ri ran wa ki ri bru to yi. 18 Ki wa ki ri ye ri yi, ame Bulus me wa miri ye ri yi han nkpa riri ama meme nji a dzu ta. 19 Biyi nye, a ran njo ri nkan riwa bi he yosron mbu, kinklan sron mbu, bi ri he wawa ki wuru wo ri gbobre ritu mbi chachu riwa Bachi Yeso ri ye. 20 Kpunji tre ki wuru wo ri gbobre ritu mbi.