1 Ri kre wan, miri vayi ki la yi no yi ki bibi ki riwa ari bi ri Izhi. Rinyi he kya riwa bi si ti sisen mu. Ngha bibi riwa ki ibreyi rimi nde Bachi Yeso riwa bi ti han ngamba. 2 Ritu bi to tre riwa ki la yi a he rimi senkpa Bachi Yeso nye. 3 Izhi riwa a no yi son ri Tsitsri nga bi ri ka kru ri mba nji chuwo. 4 Ko ngan rimi mbi no to bibi son riwa wa son mba wa wan rimi Tsitsri nga son riwa wa no wa nkpen, 5 ran ya mba nji bi ri timbye bibi wawa wa ran to Izhi ran, 6 no njo no ran wa waa vayi wan ran, ko no sen wu ran, Ritu ki la yi tre nyi nga ki ri fen yi ton bran ri Bachi ri no wa ya. 7 Izhi ran yo ta ki ti ndu wan ri zhi ri sron ran, ama ri Tsitsri sron. 8 Nji riwa a kawan ri kpa tre nyi a ran kawan ri tre nji ran ama a kawan ri tre Izhi riwa ari no ta Yuu Tsitsri nye.

9 Ritu tre nyɨme ngambi, a ran he riwa tse wa la yi ran ritu Izhi gbuchi tsro yi bibi riwa bi ŋɨme ngambi. 10 Bi gbuchi nyɨme nji ri ngbron bubu bibi riwa wawu nji wa Makidoniya. Ki he rimi ibre yi no yi sondu ti ngamba ran hi. 11 Ki ibreyi no yi ka sron mbi yo bubu ri bi ri ti kya riwa bi ti ri wo mbi no dzon yi, bibi riwa ki la yi, 12 ri ti nganyi bi fe nkpen ri wawa wa ran to Izhi ran, bi ran yo si ri njo ritu kya riwa bi wa ran.

13 Ama miri vayi mbu, ki wa no yi to kpunji tre ritu wawa wa kuu, ritu bi ri ran kpa sron mbi time ran, bibi wa wawa wa ran he ri yo sron ran. 14 Ki kpa nyɨme ri Yeso Izhi ri ta wawa wa kuu shɨme no wa ye ri wu iwawa. 15 Ki la bibi riwa Bachi a tre, wawa wa kuu wa gbuchi tashɨme wa ri hi fe Yeso ri ko kita wawa ki he ri sii. 16 Ritu Bachi ri tuwan ri gɨzhi ri shu ye ri mme, ri raan ri gbangban, ri raan rinkon wa la tre Izhi, nga ri rangan yo wa Izhi nga wa hu Izhi wawa wa kuu wa gbuchi tashɨme. 17 Kugon ri mba, kita wawa ki he ri si ri ki kabru iwawa ri shu wulu ki ri fe Bachi ri bubu wan. Ri bubu wan ki kii ri Bachi hari hi. 18 Rimba ki no ngambu tre ri de senkpa.