3 Jiso nɔ kə kínə mbɔ Tie-e nɔʼ kɔ́ fɔbə inchəŋ mu kəghɔ-ɔ bɔŋleʼ kínə mbɔ ɔ nɔ kə gwè hə bəshʉ-Nyii, bɔŋ-bu-leʼ bʉ̀nə gɛ̀ bəshʉ-Nyii. 4 Nɔ, ɔ lɔ̀ hə sê, mɛ̀ʼtə mbʉ bəfɔyu. Kʉ̂ʉ shùɔ ndyi-fəʼə-ɛ mɔ̀ʼ sê, lʉ̀ ŋkəŋkə chyúu kəlyuʼ-ɔ. 5 Ndʉʉmɛ, ɔ véʼ muu mu baŋ gheghe chʉ́ʉhə kə́ sʉ̀ fʉəŋ-vâafɔʼɔ-bi-tə nə yɔŋ, kə́ bɔŋleʼ yʉ̀əʼtə nə mbʉ kəŋkəŋ ndə ɔ chyúu kəlyuʼ-ɔ le.
12 Ndʉʉ ndə ɔ nɔʼ kə sʉ̀ fʉəŋtə-ʉə liʼ, mɔ̀ʼ ndyi-fəʼə-hə-i mbʉə-ɔ bʉ̀nə gɛ̀ dùʼ ndəŋ yəŋkə-i, ghɔ̀ŋ tʉ bɔŋ mbɔ, "Bii kínə nukə ndə mɔ fɔ̀ʼ tʉ bii nɔ mɛ? 13 Bii nɔ tʉʼ tíi mɔ nə Chicha leʼnə Tiekətʉ, bii nɔ chìi i kʉ̀ʼnə bʉʼka mɔ nɔ bɛ nɔ. 14 Kaʼ mɔ ndʉʉghɔfii, ndə mɔ bɛ Tiekətʉ-yii bɔŋleʼ kə́ bɛ Chicha-yii, sʉ̀ wubə-ii, bii nɔ kie ndə mə-kə́-sʉ́tə wubə-ii haʼ nɔ. 15 Mɔ nɔʼ dʉ̀ʼ fʉʼkənu tʉ bii mbɔ b̈ii kə́ fɔ̀ʼ haʼ ndə mɔ nɔʼ fɔ̀ʼ tʉ bii. 16 M̈ɔ kɛŋ shyíi bii nə shʉəŋ mbɔ vaafɔ̀ʼ mə gʉ́ə chàa tiefɔʼ-ɛ fɛ, təmə wo téʼ ntəŋ mə gʉ́ə chàa wo ndə ɔ tə́ŋ ɔŋ fɛ. 17 Kaʼ bii kínə nubə-ɔ̄ŋ, bii kie tʉʉjyu, kaʼ bii kə́ fɔ̀ʼ.