35 Jiso bə̀ŋhə tʉ bɔŋ mbɔ, "Mɔ nɔ bɛ bele ndə ĩ kɔ́ məchímbi, wotəmiyɔŋ ndə ɔ gwè tʉ mɔ jyʉʉ bieleʼ nə yɔ́ʼ ɔ fɛ, wotəmiyɔŋ ndə ɔ bɛ́ŋ mɔ, fyii-i bieleʼ nə yə́ŋ fɛ.
48 Mɔ nɔ bɛ bele ndə ĩ kɔ́ məchímbi. 51 Mɔ nɔ bɛ bele ndə i kie məchímbi ndə i shíʼ hə yuo. Kaʼ wo kwó bele-ɔ̄, ɔ chí mbi təmə liʼ-i ghɔ fɛ. Bɔŋ ntɛ bele ndə mɔ bu leʼ kɔ́ tʉ wʉʉnəmbikə ndə məkie məchímbi nɔ bɛ mbɔʼ-mbʉə-ɔ."
53 Ndʉʉmɛ, Jiso ghɔ̀ŋ tʉ bɔŋ mbɔ, "M̈ɔ kɛŋ shyíi bii nə shʉəŋ mbɔ kaʼ bii gòʼ təmə kwó mbɔʼ-Vaa-Woməsʉʉ, bɔŋleʼ nú fɔbʉəkə-i fɛ, bii mə kie məchímbi mu mbʉə-bii fɛ. 56 Wotəmiyɔŋ ndə ɔ yúʼ ŋwɔŋ-ɛŋ nə mbɔʼ-mbʉə-ɔ, nú fɔbʉəkə-ɔŋ nɔ bu káa mu mɔ, mbəŋ-ɔŋ kaa mu ɔŋ.
Vâafɔʼɔ Jiso buŋmbi tɛ́ŋ ɔŋ
60 Ndʉʉ ndə vâafɔʼɔ-bi buŋmbi kə yʉ́ yɔ̄ŋ-yə, bɔ̂ŋ ghɔ̀ŋ mbɔ, "Nubə-ɔ̄ŋ nɔ shʉ́ə daa bəkɔ bɛ́ŋ nda?"
66 Yɔ̄ŋ-yə kʉ̂ʉ tíŋ, buŋmbi vâafɔʼɔ-bi bʉ̀nə gɛ̀ nə wʉə təmə leʼ tòʼ ghɔŋbə Jiso fɛ.