33 "Wo-Samaliabɛʼ kə́ gɛ̀ sêfia-ghɔ̄, kwɔnə fyú ndəŋ ɔŋ, tʉkə-i vyíi ndəŋ ɔŋ. 34 Ɔ gɛ̀ mbʉə ɔ véʼ ŋgwomə ghɔŋ ndʉʼmə ndəŋ dyʉʼbə-i kɔ́ʼtə. Chɔ̀ʼhə ɔŋ dùʼhə ndəŋ jakashi-i, gɛ̀ nə nɔŋ mu njaa ndə bə lɔ̀ʼ chí chɔ, kə́ lɛ́nə ɔŋ. 35 Mbi kʉ̂ʉ sɛŋ fíi, ɔ fyúhə kyʉə, kɔ́ tʉ wo ndə ɔ tʉʼ fɔ̀ʼ mu njaa-ghɔ̄ mbɔ ɔ chʉʼ shi kə́ lɛ́nə ɔŋ. Shyíi ɔ mbɔ, ‘Kaʼ i shi tə́ʼ, mɔ yi kə bʉ̀nə mɔ bìʼ.’ "
36 Jiso ndə məlìʼ chəŋkə-ɔ̄ŋ bíʼtə mbɔ, "Mu bʉə-bɔ̄ŋ bətia nɔ, bɛ nda ndə ɔ fɔ̀ʼ ndə wo-kətoʼ-wo-ɔ̄, ndə bəlʉʼʉ shùɔ bʉə gwúu ɔ le?"
37 Wo-ghɔ̄ bə̀ŋhə mbɔ, "Nɔ bɛ wo ndə ɔ dʉ̀ʼ tʉvyiikə tʉ ɔŋ."
Jiso ghɔ̀ŋ mbɔ, "Gɛ̀ kə́ fɔ̀ʼ haʼ nɔ."