22 Mbʉ wo mbʉʼ sɛŋ kwú, bʉəntəŋNyii lʉ̀ ɔ gɛ̀ dùʼhə ɔŋ mbʉə Ablahaŋ. Mbʉ wo-kəfʉʼ sɛŋ kwú ghɔ, bə tyúu ɔ. 23 Ɔ dùʼ mu viʼi kə́ nyíɛ ŋgʉəʼ, kʉ̂ʉ nə sɛŋ chɔ̀ʼhə shʉ-i kweghɔʼ nyíɛ Ablahaŋ kɛŋ dɔdɔ, Lasalɔ kə́ dùʼ mbʉə ɔ.
24 "Ɔ tíi ɔ mbɔ, ‘Tie-ɔ Ablahaŋ, kə ẗʉkə-a vyíi ndəŋ mɔ le! Tə́ŋ Lasalɔ, ɔ sʉ́ʉhə tʉ-vaa-kəghɔ-kə-i mu muu gwè nə yɔŋ, gwè yùʼ lɛɛŋhəkə-ɔŋ chɔ, bʉʼka mbɔ mɔ nɔ bɛ mu ŋgʉəʼ shʉ́əshʉ́ə mu viʼi-fɛ̄ŋ.’
25 "Ablahaŋ bə̀ŋhə mbɔ, ‘Ŋaʼ, kwɛ́nə mbɔ vɛʼ ndə a kə bɛ mu kəwʉʉnəmbi, a kie fɔ-jyujyu-bə-a, Lasalɔ kie yi-yə fɔ-bʉəbʉə-bə, bɔŋ nduɔ ɔ kə́ bɛ jyujyu yá mbəŋ kə́ nyíɛ ŋgʉəʼ.