7 Nduɔ, mbʉ bəchî nchəŋtə-ghɔ̄ kʉ̀ʼnə, Nchəŋtə ndə bə Kwó Bele təmə yî chɔ fɛ le, bɔŋleʼ kə́ bɛ chîkə ndə bə kie ndə məsíi vaabinjyʉʉ ndə məyú Yíɛʼsii nə yɔŋ. 8 Jiso tə́ŋ Bita ghɔŋ Jɔŋ bəshʉ, gìe tʉ bɔŋ mbɔ, "B̈ii gɛ̀ shʉ̀tə fɔ-Yíɛʼsii-bə, bʉʼʉ chʉʼ yú ndə məkwɛ́nə chî-Yíɛʼsii-kə."
14 Mbʉ ndʉʉ kʉ̂ʉ kʉ̀ʼnə, Jiso ghɔŋbə mbʉ bəlɔntəŋ-bi njuɔ bûu nə wuŋ chə̀ŋtə dùʼ mbʉə tebele. 15 Jiso ghɔ̀ŋ tʉ bɔŋ mbɔ, "Mɔ nɔ kɛŋ kə́ mʉ̀ʉ nə fyii-ɔ inchəŋ mbɔ bʉʼʉ bu chə̀ŋtə, yú nchəŋtə Yíɛʼsii, ŋgʉəʼ-ɔ buŋ chʉ́ʉhə.
19 Ɔ lʉ̀ bele, kʉ̂ʉ kɔ́ ndɔ tʉ Nyii chɔ, bə́ʼtə kɔ́ tʉ bɔŋ ghɔ̀ŋ mbɔ, "Nɔ bɛ mbɔʼ mbʉə-ɔ nɔ ndə mɔ fɛ̀ʼndɛŋ chɔ yie-bii. B̈ii kə́ chìi yɔ̄ŋ-yə ndə məkwɛ́nə mɔ." 20 Ndʉʉ ndə b̈ɔ̂ŋ yú fɔ-ndʉʉbuumbi-bə liʼ, Jiso lʉ̀ ibɛʼ-yə ndʉ̂ʉ-məndʉʼ ghɔ̀ŋ mbɔ, "Ndʉʼmə-ɔ̄ŋ nɔ bɛ ŋkaa-fefe-mə ndə bə kɔ́ʼ nə fɔbʉəkə-ɔŋ ndə mɔ tyù bʉʼka bii.