Məkoʼ-Jiso
1 Kʉ̂ʉ bɛ ndəŋ fəŋ kəchî mu vyii mbi, mbʉ bəke lɔ̀ ndʉʉsɛŋkə bətyuʼbətyuʼ, lʉ̀ ŋgwo-lùŋ-mə ndə bɔ̂ŋ nɔʼ kə shʉ̀tə, gɛ̀ nə yɔ̄ŋ-yə chu-mbʉ-sě. 2 Bɔ̂ŋ gɛ̀ nyíɛ tʉ bə nɔʼ tʉ́ʉhə mbʉ ŋgoʼ ndə bə kə chíe chu-mbʉ-sě nə yɔŋ. 3 Bɔ̂ŋ kʉ̂ʉ shíʼ muŋgɔ təmə nyíɛ ŋkwu-Jiso-Tiekətʉ-kə fɛ. 4 Ndə bɔ̂ŋ tʉʼ yie yɔ̄ŋ-yə, kə kwɔnə nyíɛ, bʉə bəbûu fyú tʉ bɔŋ, mɔ̀ʼ ndyi-leʼnə-hə tə́nə mbʉə bɔŋ. 5 I fɛ̀ŋhə mbʉ bəke, bɔ̂ŋ bʉ́ʉnə bəshʉ bɔŋ kə́ lɛ́nə sê, mbʉ bʉə-ghɔ̄bə ghɔ̀ŋ tʉ bɔŋ mbɔ, "Bii tʉʼ kʉ́ʉ wo ŋɛnə mu bəŋkwusê təka? 6 Ɔ kaa fɛ̄ŋ fɛ, ɔ nɔʼ kóʼ! B̈ii kwɛ́nə ndə ɔ kə shyíi bii vɛʼ ndə bii bɔŋ kə bɛ mɔʼɔ Galili le, 7 ‘Bə bu yaʼ kɔ́ Vaa-Woməsʉʉ mu kəghɔ-bʉə bʉ̂ʼʉ, bɔ̂ŋ kwɛ̀ŋ ɔŋ yí, kʉ̂ʉ bɛ chîbə itia nɔ ɔ bʉ̀nə bìʼ kóʼ.’ "