43 Wokebɛʼ nɔ kə bɛ chɔ ndə ɔ nɔʼ kə nyíɛ ŋgʉəʼ nə mbʉʼtəkə-i ndəŋ ŋgʉʼhə njuɔ bûu nə wuŋ, nɔʼ fɛ̀ŋ fɔbə-i inchəŋ kɔ́ tʉ bədota, bə chʉ́ʼ ɔ kəŋkaa. 44 Ɔ gwè hə bɔ̌ŋ liɛŋ-ɔŋ kə̀ŋ tiɛŋ-ndyi-i, haʼ ndʉʉghɔfii, mbʉ kəmbʉʼtə chə̀nə.

45 Jiso bíʼtə mbɔ, "Kə̀ŋ nda kə̀ŋ mɔ?"

Bʉə bənchəŋ kʉ̂ʉ kɔ́tuu-yʉə, Bita ghɔ̀ŋ mbɔ, "Tiefɔʼ-ɔ, nɔ yɔ́ŋ bʉə kə́ fíanə a."

46 Mbʉ Jiso ghɔ̀ŋ mbɔ, "Wobɛʼ nɔʼ kə̀ŋ mɔ, bʉʼka mɔ nɔʼ yʉ́ ndə ghʉəʼkə fyú hə mbʉə-mɔ." 47 Woke-ghɔ̄ kʉ̂ʉ nyíɛ mbɔ ɔ mə líi fɛ, ɔ gwònə gwè gwù bəshʉ Jiso, núhə mu bʉə nukə ndə i chìi ɔ, ɔ kə̀ŋ Jiso leʼ shyíi bɔŋ ndə yɔʼkə-i tíŋ haʼ ndʉʉghɔfii. 48 Jiso ghɔ̀ŋ tʉ ɔŋ mbɔ, "Ŋaʼ, məmɔʼfyii-a ndə a mɔ̀ʼ ndəŋ mɔ, nɔʼ chìi yɔʼkə-a tíŋ. Tòʼ jyu."