57 Ndʉʉ ndə bɔ̂ŋ tʉʼ tòʼ sêfia, wobɛʼ ghɔ̀ŋ tʉ ɔŋ mbɔ, "Mɔ bu gwè hə bɔ̌ŋ aŋ ndə yəŋkə təmiyɔŋ ndə a tʉʼ gɛ̀ chɔ."
58 Jiso bə̀ŋhə mbɔ, "Bəsəŋyaŋgwo nɔ kie mbyuʼhə-ʉə ndə məchí chɔ, nuɔ-mbi-mə kie njaahə-ʉə, bɔŋ Vaa-Woməsʉʉ, kie yəŋ-mɔ̀ʼ-kətʉ-kə-i fɛ."
59 Ɔ gìe tʉ ibɛʼ-yə wo mbɔ, "Gwè hə bɔ̌ŋ mɔ."
Mbʉ wo-ghɔ̄ bə̀ŋhə mbɔ, "Tiekətʉ, mɛ̀ʼtə m̈ɔ fəŋ gɛ̀ tyúu tie-ɔ."
60 Jiso ghɔ̀ŋ tʉ ɔŋ mbɔ, "Mɛ̀ʼtə ŋkwu-bʉə-bə tyúu ŋkwu-bʉə-bʉə-bə. A gɛ̀ lɔ̀ʼ Sɔ́ʼ-Nyii tʉ bʉə."
61 Ibɛʼ-yə wo bìʼ ghɔ̀ŋ mbɔ, "Mɔ bu gwè hə bɔ̌ŋ aŋ, Tiekətʉ, bɔŋ fəŋ mɛ̀ʼtə m̈ɔ gɛ̀ tíŋhə bʉə-bɔŋ."
62 Jiso bə̀ŋhə mbɔ, "Wo ndə ɔ yá sʉʉ-bənaʼa-tyúu-mutɔ-kə kə́ bʉ̀nə lɛ́nə bɔ̌ŋ liɛŋ-bi, kʉ̀ʼnə ndə məbɛ kəyəŋ ndə Nyii tʉʼ sɔ́ʼ fɛ."