2 Coríntios 1

Adakunom fɛ́ a rēn ki gbinding yit makiyi

3 Won iratek ni i sot ifɛ̀ Ada yit Adakunom nɛ aTisa yit aYeso Kristi, Ada fɛ̀ a foos angmishish, iwu fɛ̀ a ki wɔrɔk yit, 4 ni izen mgbang, nɔng iyit da kyem in di gbinding yit bayɔng fɛ̀ ba sɛ ayit izot, ni kuri iwɔrɔk fɛ̀ Adakunom ki gbinding yit mo bá. 5 Nek ki in sɔ yit mgbang aKristi, nek in yet yit bafuu, anɔng wu fi in sɛs yit gbinding anɔng bá. 6 Ki iyit tsin sɔ yit mgbang, in tsin nye yit anɔng, nɔng iyin di sɛ igbingding ni isheshek; ki iyit tsin sɛs yit igbingding, a sot iyin mi se yin gbinding nek akabɔk ni tsesek fi i nye yin ni izen mgbang yit. 7 In bɛ́ yit ite iyɛ ni yin makiyi, nek in rēn yit fok, ti i di sɔ yin mgbang gung ni iyit, i da sɛ yin imen iyɛ fi in tsin sɛs yit bá.