Hebreus 12

Irèn fɛ́ bafi inɔɔk atsak ki gbingding yit

1 Nek anɔng, in bɛ̀ yit kudyɛng banet anu icɛɛt fɛ́ ba ki te yit nate, won in barak yit kaakyi ikyɛng fi i ki tɛnɛsɛ yit nɛ anɛn fɛ́ a sot agunung yit kaakyi izen. Won ni in te yit nyɛk ni i tsi fɛ́ ba mi sak ashon yit. 2 Won ni in ta yit ayisi yit naton aYeso, iwu yɔng fɛ́ a yet itumung ni igang inɔɔk atsak yit. Iwu fɛ́ nek itɛrɛk iyɛ fɛ́ ba mi sak ashon wu, a te gbinding ni mgbang itekak, a daam ni nsum e awo. A sonong ni bɔk iyak kuta igwɔm Adakunom. 3 Yiring yin ni wu yɔng fɛ́ a te gbinding ni iraye ni bɔk bafi inɛn, kɔn i bi rɔrɔng yin na ki te yin gbɛrɛk.