Romanos 1

22 Ba nye fok ba bɛ́ kutsitsɛng, awɛt ba yet áshɔp, 23 na ba shesheng izɔk fi i yet ifɛ́ Adakunom fɛ́ ashɔɔm sak ni nkyɔrɔk fi da in shɔɔm awo tɛ nanon ni nkyɔrɔk fi in tsees na atak ni nyɔng fi in kɔk nafa aben.

24 Nek anɔng, Adakunom ka ba nabak sak ni kuduk kuyiring bá, sak ni iras nkyɔrɔk fi in se gbɛk-gbɛk, sak ni iras nkyɔrɔk nsum fi in beseng nrɔm bá, 25 nek ba mi tirik atsak Adakunom a sot mbɔɔs, ba ya ntong nɛ ba ra isam sak ni nkyɔrɔk fɛ́ ba nye aza Anet Inye me, iwu fɛ́ a kyem na ba ku tere ayɛ vit igang! Anɔng.

26 Nek anɔng, Adakunom ka ba nabak ayɛt ifoos ikɔk nkyɔrɔk fi in tes ni nsum. Nek banyining bá monoso nrɔm ni kuri irèn ikak zɛɛt ni iyɔng fɛ́ Adakunom nye. 27 Kpaf anɔng bà, batek e raba inyis ne banyining, na ba tsɛsɛk bafidang ba bamatek ki ikɔk e ka ba daam. Bamatek nɛ bamatek ras nkyɔrɔk nsum, na anɔng fɛ́ ba di kok ice bá ishɔt fi i se kpaf ni kutomong anyas bá.