Romanos 2

6 Nek Adakunom bi nɔɔk kaangan izang wu kpaf ni kutomong wu. 7 Sak na bayɔng fɛ́ ba se ni iras ntomong ntek ayɛt akabɔk, ba se ni itsɛt iratek ni itere ni kutset vit nkum, Adakunom bi ka ba nɔɔk kutset vit igang. 8 Awɛt bayɔng fɛ́ ba tsin tsɛsɛk ifi ice bá, bayɔng fɛ́ ba raba atsak, wɔn iras anyas, ba bi nyim ne kafa kawe ni mgbang Adakunom. 9 Izot ni mgbang tsin tot ngma banet fɛ́ ba ras anyas, ba bi tumung na baYahuda ni Ícɛn-iduk di kuus. 10 Awɛt ngma ayɔng fɛ́ a ras ntomong ntek, a bi sɛ iratek ni ízɔk ni kusonong kukyang, ba bi tumung na baYahuda ni Ícɛn-iduk di kuus. 11 Nek Adakunom tonoso ishim ice awo.