12 Ndanguwandichila hemwe wana kwa vila gehile ga hemwe gosigwa kwa gala gaditigwe na Yesu Kilistu. 13 Ndanguwandichilani hemwe wahaza kwa vila mumzela heye nayawele baha kulawa mwaluko. Ndanguwandichilani hemwe wasongolo na wahinza kwa vila mumsumya yula mwihe.

14 Ndanguwandichilani hemwe wana kwa vila mumzela Mhaza. Ndanguwandichilani hemwe wahaza kwa vila mumzele heye nayawele baha kulawa mwaluko. Ndanguwandichilani hemwe wasongolo na wahinza kwa vila mna mong’ho, ulonzi wa Nguluwi wa mgati mwenu na mumsumya yula mwihe.

15 Mleche kuigana isi na vinhu vyoneche vya isi ino. Munhu yalinguigana isi, howeza kumgana Nguluwi Mhaza.