2 ଡିରକମ୍‌ ପେଇଂ ଜାଗତିକ ଜିବନ୍‌ନେ ବାକି ଜୁଗ୍‌ ବିତ୍ରେ ଗାଗ୍‌ଡ଼େନେ ଇକ୍‌ଚା ଆଲ ମାଡିଂଚେଃ ଇସ୍‌ପର୍‌ନେ ଇକ୍‌ଚା ଅନୁସାରେ ବ୍ରୁଆପା । 3 ଡିଃଡିକି ବିଜାତି‍ଇଂନେ ଇକ୍‌ଚା ଅନୁସାରେ କାମ୍‌ ଡିଂଚେ ପେଇଂ ଉଃଡ଼ି ମୁଆଁ ଅଡ଼ାରେଗ୍‌, ଦଦ୍ୟା‌ ଅବ୍ୟାସ୍‌, ସାଗ୍ରା ଉଗ୍‌ନେ, ରସ୍ୟା, ଦଲ୍‌ ଡିଂନେ, ମୁର୍‌ତି ପୁଜା ଡିଂଆର୍‌ଡିଂଗେ, ଆତେନ୍‌ ଡିଂଏ; 4 ଉଃଡ଼ିବେଲା ମ୍ନାଃ ମେଣ୍ଡାତୁର୍ତ୍ୟାରେ ପ୍ଲାଃ ୱେଆର୍‌ଏ, ପେଇଂ ଆସିର୍ବାଦ୍‌ନେ ସାଜ ପେବାଏ । ମେଁନେ ତ୍ନାର୍‌କିଗ୍‌ ଅଃନା ସରାଃ ଆଡିଂ ଣ୍ଡୁ । 5 ମାତର୍‌ ମୁଃଡ଼ି ଇସ୍‌ପର୍‌ ମ୍ବ୍ର ଲେଃକେ, ମେଁ ଗୁଏଃକ୍ନେ ରେମୁଆଁଇଂକେ ବିଚାର୍‌ ଡିଂନ୍‌ସାଃ ତରକ୍‌ ଡିଂଲେଃକେ, ମେଁନେ ଡାଗ୍ରା ଆମେଇଂକେ ଇସାବ୍‌ ବିଃନେ ପଡ଼େଏ । 6 ଡାଗ୍‌ଲା ଆକେନ୍‌ ସାମୁଆଁନ୍ନିଆ ଗୁଏଃରେଇଂ ଡାଗ୍ରା ଡିଗ୍‌ ମାପ୍‌ରୁ ସାମୁଆଁ ବାସଙ୍ଗ୍‌ବ୍ନ, ଡିରକମ୍‌ ମେଇଂ ରେମୁଆଁଇଂ ସୁଗୁଆ ଗାଗ୍‌ଡ଼େନ୍ନିଆ ବିଚାରିତ ଡିଂଲା ଡିଗ୍‌ ଇସ୍‌ପର୍‌ନେ ସୁଗୁଆ ଜିବନ୍‌ନ୍ନିଆ ମ୍ବ୍ର ଆର୍‌ଏ ।

7 ପେନେ ସାପା ଏତେକ୍ନେ ଲିଗିଙ୍ଗ୍‌ କିତଂନେ ଡାଗ୍ରା ସମର୍ପେପା ମେଃଡାଗ୍ଲା ମେଃ ପେନେ ଜତନ୍‌ ଡୁଂଡଏ ।