Klisto ni Mfumu yi bimvimba
15 Mwana wudi kifwani ki Nzambi yikwe lembolo yenikanga. Yandi wuntete wuteka butuka1.15 wuntete wuteka butuka Mwana wuntete wuteka butuka: fwanikisa na Zin 8.32-36; Yoa 1.1-3 Dina lonka kintwadi kingolo kidi ha kati di Yesu na Nzambi. Yandi ba muhidika ko bonso bima bimvimba bihiika bii ha nza. mu bimvimba bi hidika Nzambi. 16 Mu dyambu ti, mu yandi Nzambi kahidikila bima bimvimba bii ku yulu na bii ha butoto, bikwe yenikanga na bikwe lembolo yenikanga, bintinu, bimfumu, minyadi na mintwadisi1.16 Kibuku bekiki kina tangumuna lulendo lu zimpeve zihiika mu ntangu yi ntama, bantu bedi banzanga ti zawu mpe zedi yaalanga nza beyiyi yikwe yenikanga na nza yi kinzambi Ngl 4.3. Ni mu yandi na mu dyambu dyandi Nzambi kahidikila bima bimvimba. 17 Yandi wudi tekila bima bimvimba biba, mpe mu yandi bimvimba bikwe tamananga mu zinga. 18 Yandi ni mutu wu nitu, nitu ni dibundu. Yandi ni mbadukulu, muntu wuntete wufuluka mu bafwa, mwanki kaba wuntete mu bimvimba. 19 Mu dyambu ti Nzambi wuyena bumbote ti kinzambi kimvimba kiba mu Mwana. 20 Mu Mwana, Nzambi kasa ti bimvimba biwawana nandi, byo bi ha butoto na bi ku yulu. Ni mu menga ma Mwana andi matengolo ha kulunsi, Nzambi ka haanina kiyenge ku bantu bamvimba.