ሉቃሳ ምሽራቹዋ 8

49 የሱስ ሃሳይ ደእሽን፥ አይሁዳ አሳ አማንያዋንቱ ሱን ሶይፐ እት ብታኒ ዬዳዌ፥ "ነ ናታ ሀያዱ፤ ስም ታማርስያዋ መቶፓ" ያጌዳ።

50 የሱስ ሀዋ ስሲደ፥ "ያእሮሳ፥ አማናፐ አትን፥ ያዮፓ! እዛ ፓጻናዉኑ" ያግ ዛሬዳ።

51 ሶይ ገሊደ: ጰጽሮሳፐ፥ ያቆባፐ፥ ዮሃንሳፐ፥ ናት አቡፐነ ናት ዳይፐ አትን፥ ኦንነ ገላናዳን ኤኖ ግቤና። 52 ኡባይ ሄ ናትዉ ዬኪደነ ካዮቲድ ደኢኖ። ሽን የሱስ፥ "ዬኮፕተ፥ ግሳዱፐ አትን ሀያበይኩ" ያጌዳ።

53 እዛ ሀይቄዳዋ ኤሪደ አ ቦላ ሚጬድኖ። 54 ግዶፐ አትን የሱስ እዝ ኩሽያ ኦይቂደ፥ "ሀ ናቴ፥ ቤጎታ!" ያጌዳ። 55 እዝ ሸምፑካ ስምና ኤለካ ደንዳ ኤቂና ማናባ እማና ማላ፥ የሱስ አዛዜዳ። 56 እዝ አቡነ እዝ ዳያ ማላለቴድኖ፤ ሽን የሱስ ኡንቱንታ፥ ሀኖ የዉዋ ኦስነ ኦደና ማላ አዛዜዳ።