1 አሳይ ባረ ዎዛናን ሀልቼ፤ ሽን ልከ ዛሩ መና ጎዳፐ ቤቴ።

2 አሳይ ኦያ ኦሱዋ ኡባይ አዉ ልከ ማላቴ፤ ሽን መና ጎዳይ ኮይሮ ደንዱዋ ቆፋ ይግ ጼሌ።

3 ነ ኦያዋ ኡባ ሀዳራ መና ጎዳዉ እማ፤ ያቶፐ፥ ኔን ሀልቼዳዌ ፖለታና።

4 መና ጎዳይ መዳዋ ኡባ ባረ ሀልቾ መዳ፤ ሀንንቶካ ማካላንቻቱዋ ዉርሰይ ባየ።

5 መና ጎዳይ ኦቶረትያ ኡባ ሸነቴ፤ ኡንቱንቱ ሙረተናን አትክኖ።

6 አገና ሲቁዋንነ አማነትያዋን ናጋራይ አቶ ጌተቴ፤ አሳይ መና ጎዳዉ ያይያዋን ኢታባ ኦናን ናገቴ።

7 አሳ ሀመታይ መና ጎዳ ናሸችያዋ ግዶፐ፥ ሄ ኡራዉ ባረ ሞርከቱዋናካ ሳሮ ደአናዳን፥ ጾሳይ ኦ።

8 ጽሎተን ቤትያ ጉባይ ዎርዱዋን ደምያ ዳሮ ዎያፐ ኬካ።

9 አሳይ ባረ ዎዛናን ባረ ኦናባ ሀልቼ፤ ሽን ሀልቹ መና ጎዳይ ማድና ፖለቴ።

10 ካቲ ጾሳፐ አኬዳ ማታን ፕርዴ፤ ፕርዲደ እ ባለና።

11 ሚዛናቱነ ማክያ ሚሻቱ አማንያዋንታ ግዳናዳን፥ መና ጎዳይ ኮዬ፤ ዛልእያዋ ኡባን ጭሙ ደኤናዳን ኮዬ።

12 ካተቱ ባይዙዋ ኦሱዋ ሸነቲኖ፤ አያዉ ጎፐ፥ ኡንቱንቱ ካዉተ አራታይ ጽሎተን ኤቄ።

13 ካተቱ ጽሎ እንጻርሳን ናሸቲኖ፤ ቱሙዋ ሃሳይያዋንታካ ዶሲኖ።

14 ካትያ ሀንቁ ሀይቁዋ ኪታንቻ ማላ፤ ሽን አዳ ኤራንቻ አሳይ ሀንቁዋ እርጽሳናዉ አዉዳሼ።

15 ካትያ ሶምኢ ፓሽኮፐ፥ ሄዌ ስም ደኡዋ። እ ናሽያዌ ባሳ እራ አህያ ሻርያ ማላ።

16 አዳ ኤራተ ደምያዌ ዎርቃ ደምያዋፐ ኬካ፤ አኬካ ደምያዌ ብራ ደምያዋፐካ አ።

17 ሱረቱ ብያ ኦጊ ኢታይ ደኢያሳፐ ሃኩዋና አ፤ ባረ ሄመታ ናግያ ኡራይ ባረ ሸምፑዋ ናጌ።

18 ኦቶሩዋ ጌዱዋ ባሻይ ካሌ፤ አዩዋ ጌዱዋካ ኩንደይ ካሌ።

19 አይያዋንቱና ዙፐቲደ፥ ኦሞዱዋ ሻክ አካናፐ አሽከ ግዲደ፥ ህዬሲደ ደእያዌ ኬካ።

20 መና ጎዳ ቃላ ሎይደ ሀይዝያ ኡራዉ እ ኦያዌ ኡባይ እንጀታና፤ ጾሳን አማነትያ ኡራይ አንጀቴዳዋ።

21 ባረ ቆፋን አዳ ኤራንቻ ግዴዳ አሳይ አኬካንቻ ጌተቴ፤ ሎኦ ቃላይ ኤራተ ጉጄ።

22 ጭንጫ ኡራዉ ኤራተይ ደኡዋ ፑልቱዋ ማላ፤ ሽን ቦዛቱዋ ሴርያዌ ጮ ዎድያ ዉርስያዋ።

23 አዳ ኤራንቻ አሳይ ሃሳያናፐ ካሰቲደ ቆፔ፤ አሳይ አክያ ሃሳያ ሃሳዬ።

24 ሎኦ ቃላይ ኤሳ እልሉዋዳን ማልኤ፤ ቦላካ ማዴነ ፓ።

25 አሳዉ ሱረ ማላትያ ኦጊ ደኤ፤ ሽን ዉርሰን ሀይቆ ጋ።✝

26 ኮሻይ አሳይ ምኒደ ኦናዳን ደን።

27 ኢታ አሳይ ኢታባ ሀልቼ፤ አ ሃሳያይካ ጹግያ ታማ ማላ።

28 ጌላ አሳይ ዋላሳ ደን፤ ዝግርያ አሳይ አማነትያ ላገቱዋ ሻኬ።

29 ማካላ አሳይ ባረ ሾሩዋ ጭሜ፤ ሎኦ ግደና ኦግያዉ እ አ ካለ።

30 ባረ አይፍያ ስምእያ አሳይ ጌላባ ቆፔ፤ ባረ መተርሻ ሳኢደ ማንድያ አሳይ ኢታባ ፖሌ።

31 ፑሉሜዳ ሁጲ ቦንቾ ካላቻ፤ ሄዌካ ቤትያዌ ጽሎ ደኡዋ ደእና።

32 ዎልቃማ አሳ ግድያዋፐ፥ ሀንቀታናዉ ኤሌለና አሳ ግድያዌ ሎአ፤ ዳሮ ካታማቱዋ ኦሊደ ኦይቂያዋፐ፥ አሳይ ባረ ሁጲያ ሞድያዌ አ።

33 አሳይ ሳማ የጌ፤ ሽን መና ጎዳይ ኡባባ ዉርሰ ቃቼ።