Levítico 15

25 "ओळता कदाम काहनी बायरक आपना नावनीन टेम सी जादा दाहड़ा तक लुहूय वोहयतो रवे, या उका नेमला टेम सी जास्ती टेमे तक मासिकधर्म रवे, ते जव तक चो ओसी दशा मा रवे तव तक चो विटळ रये। 26 उकान मासिक धर्म रवनेक सब दाहड़ा मा जेका जेका खाटला पर चो लुटे चा सब उकान मासिक धर्मान खाटलान समान ठरसे; आरू जेकी चीज पर चा बोठे चा भी उकान मासिक धर्म रयनेक दाहड़ान सारकी विटळ रये। 27 आरू जु कुई उना चीजक हाथ लागाड़े चो विटळ ठरसे, एरकरता चो आपना छिंदरा क धुवीन पानी सी उंगव्या करे, आरू सांतो तक विटळ रवे।