Däm Harn sien Komen
13 Wie wellen oba nich, Breeda, junt em Onkloaren loten äwa de Enjeschlopne, om daut jie nich truaren, soo aus de äwaje, dee kjeene Hopninj haben. 14 Wiels wan wie jleewen, daut Jesus jestorwen un oppjestonen es, aulsoo woat uk Gott dee, derch Jesus Enjeschlopne, met Am brinjen. 15 Wiels dit saj wie junt derch däm Harn sien Wuat, daut wie, dee wie läwen un äwajebläwen sent bat däm Harn sien Komen, de Enjeschlopne opp kjeenen Wajch woaren veropp-komen. 16 Wiels de Har selfst woat met eenem Roop, met de Stemm von däm Haupt-Enjel un met Gott sien Trompeet vom Himmel raufkomen, un de Doodje en Christus woaren ieescht oppstonen. 17 Doahinja wie, dee wie läwen un äwajebläwen sent, woaren met äant tojlikj en de Wolkjen noppjenomen woaren, däm Harn en de Loft to bejäajnen; un soo woa wie auletiet bie däm Harn sennen. 18 Doawäajen treest junt unjarenaunda met dise Wieed.