1 Paulus, Jesus Christus sien Apostel, derch Gott sien Wellen, un Brooda Timotäus, 2 aun de Heilje en Kolossä un true Breeda en Christus: Jnod met junt un Fräd von Gott, onsem Voda, un däm Harn Jesus Christus!

3 Wie danken Gott un däm Voda von ons Har Jesus Christus un bäden aule Tiet fa junt, 4 nodäm wie jehieet haben von junem Gloowen en Christus Jesus un von de Leew to aul de Heilje, 5 wäajens de Hopninj, dee fa junt em Himmel oppbewoat es, von woone jie verhäa jehieet haben em Wuat von de Woarheit vom Evangelium, 1Pe 1:3-4 6 daut no junt jekomen es, soo aus daut uk en de gaunze Welt es un brinjt Frucht, soo aus uk mank junt, von däm Dach aun, aus jie daut jehieet un Gott siene Jnod en Woarheit erkjant haben; 7 soo aus jie jelieet haben von Epafras, onsem jeleewden Metkjnajcht, dee Christus sien trua Deena fa junt es, Flp 1:23; Kol 4:12 8 dee ons uk vetald von june Leew em Jeist.

9 Wuawäajen wie uk, von däm Dach aun, wua wie daut jehieet haben, nich opphieren fa junt to bäden un to bedden, daut jie muchten erfelt sennen met de Erkjantnis von sien Wellen en aule Weisheit un jeistlichet Vestentnis, Efs 1:15-17 10 daut jie muchten wirdich waundlen fa dän Harn to aulem Wooljefaulen, en jieda goodet Woakj fruchtboa, un waussen en de Gott siene Erkjantnis, Efs 4:1; Flp 1:27 11 jestoakjt met aule Krauft no de Macht von siene Harlichkjeit*, to aulem Aunhoolen un Jedult met Freid; 12 un Dank jäwen däm Voda, dee ons wirdich jemoakt haft fa daut Aundeel aum Oafgoot von de Heilje em Licht; Efs 1:11; 1Pe 1:4 13 woona ons ut de Autorität* von de Diestanis jerat haft un vesat en daut Rikj von sien jeleewda Sän, Kol 2:15 14 en woonem wie de Erleesunk haben derch sien Bloot, de Sinden-Vejäwunk; Efs 1:7 15 woona daut Bilt von däm onsechtboaren Gott es, de Ieeschtjebuarna von aule Kjreatua. Heb 1:3; Opb 3:14 16 Wiels derch Am es aules jeschaufen worden, waut em Himmel un opp Ieeden es, Sechtboaret un Onsechtboaret, auf daut Troonen ooda Harschoften ooda Ferschtentiema ooda Jewaulten sent; aules es derch Am un fa Am jeschaufen. Joh 1:3,10; Heb 1:2 17 Un Hee es ver aules, un aules besteit en Am. 18 Un Hee es daut Haupt vom Kjarpa, de Jemeent, woona de Aunfank es, de Ieeschtjebuarna von de Doodje, om daut Hee en aules mucht de Äwaläajenheit haben*. Apj 26:23; 1Kor 15:20; Efs 1:22; Opb 1:5 19 Wiels daut es daut Wooljefaulen vom Voda, daut en Am de gaunze Vollheit wont 2Kor 5:19; Kol 2:9; Joh 1:16; Efs 1:23 20 un aules derch Am veseent wort to sikj selfst, wäarent Hee Fräd muak derch daut Bloot von sien Kjriez, derch Am, auf daut opp Ieeden ooda auf daut em Himmel es. 1Joh 2:2

21 Un junt, dee jie eenmol aufjesondat un fientlich jesonnen* wieren derch beese Woakjen, haft Hee nu oba veseent Efs 2:12-13; 4:18; Ree 5:10 22 en däm Kjarpa von sien Fleesch derch dän Doot, om junt heilich un fälaloos un schultloos ver sikj selfst to stalen; Efs 5:27 23 wan jie sest en däm Gloowen jejrint un faust bliewen, un junt nich bewäajen loten von de Hopninj vom Evangelium, woont jie jehieet haben, woont jeprädicht worden es en de gaunze Schepfunk, dee unja däm Himmel es, wuavon ekj, Paulus, een Deena jeworden sie.

24 Nu frei ekj mie en mien Lieden fa junt un erfell en mien Fleesch, waut noch fält aun de Triebsaulen von Christus fa sienen Kjarpa, daut es de Jemeent, Efs 3:13; 2Tim 2:10 25 dee äa Deena ekj jeworden sie no de Vewaultunk von Gott, dee mie fa junt jejäft worden es, om Gott sien Wuat to vollbrinjen, 26 nämlich daut Jeheemnis, daut von oole Tieden häa un von de Jeschlajchta vestoaken wia, nu oba siene Heilje jeopenboat es, Ree 16:25; Efs 3:3-6 27 woone Gott daut wull weeten loten, waut de Rikjtum von de Harlichkjeit von dit Jeheemnis mank de Heiden es, woont es Christus en junt, de Hopninj von de Harlichkjeit. 28 Dän prädj wie un vemonen eenen jiedren Mensch un lieren jieda Mensch en aule Weisheit, om jieda Mensch vollkomen en Christus Jesus väa to stalen; 29 wuafäa ekj uk oabeid un sträw, no siene Wirkjunk, dee majchtich en mie wirkjt.