ሌሚሶ ማጻፋ 18

1 ላጌቴ ኮዮንታ ኣሲ

ባ ኣሞ ካሌስ፤

ሱሬ ፒርዳካ ኡባ ፓልቄስ።

2 ኤያይ ባ ቆፋ

ቆንጪሳናሮ ጻላ ዶሴስ፤

ጊዶ ኣቲን ሃራ ኣሳፔ

ኤራ ኤካናስ ዶሴና።

3 ኢታቴ ካ ካሌስ፤

ዬላቴ ዪሺን

ካዉሻቴ ዬስ።

4 ኣሳ ዶናፔ ኬኢዛ ሃሳያይ

ጪማ ሃ ማላ፤

ኣ ኤራቴ ፑልቶይካ

ጾንጌቲዛ ፒሳ ሃ ማላ።

5 ኢታ ኣስ ማዲዲ፥

ጺሎዛ ፒርዳ ጌላሲዛይሲ

ሎኦ ጊዴና።

6 ኤያ ኣሳ ዶናይ ኢዛ ቦላ

ኦሽ ዴንስ፤

ኢዛ ዶናፔ ኬኢዛ ቃላይ

ኢዛ ቦላ ዱርቃ ጼይጌስ።

7 ኤያ ኣሳ ሃሳያይ ኢዛ ይሴስ፤

ኢዛ ሜቴርሻቲ ኢዛስ

ዎጺማዴ ጊዴቴስ።

8 ዚጊራንቻ ቃላይ ማልኦ ቁማ ማላ፤

ኣሳስ ዱጌ ማራጬ ጋኬስ።

9 ኣዛላ ኣሲ ይሲዛ ኣሳስ ኢሻ።

10 ጎዳ ሱን ሚኖ ጊምቤ ማላ፤

ጺሎ ኣሲ ሄ ዎጺዲ

ኢታፔ ኣቴስ።

11 ዱሬታ ዱሬቴ

ኢስታስ ዩሾይ

ጊምቤቲዳ ካታማ ማላ፤

ኢስቲ ባንታ ዱሬቴ ኬኤቶንታ

ኣዱሳ ጊምቤ ማላ ቆዴቴስ።

12 ኣሲ ኩንዳናፔ ካሴ

ኢዛ ዎዚናይ ኦቶሬቴስ፤

ኣሽኬቴ ቦንቾፌ

ሲንቴስ።

13 ሎኤ ሲዮንታ ዲሼ ዛሮይ፥

ኢዛዴስ ኤያቴኔ

ዬላ ጊዴስ።

14 ኣሳ ኣያናይ

ሃርጌ ዳንዳያና ማላ ማዴስ፤

ጊዶ ኣቲን ኣያናይ

ሜቄሬቲቺኮ

ኢዛ ኦኒ ዳንዳያኔ?