Matius 24

Pojaga posidodiahi ma ngale

ma sinoto o manara yaaka yokaeli

45 <<Tosiade-ade kali, kanaga woleleleani moi wococawaro de lo awi tuangi awi manara waaka wokaeli. Woleleleani una magena ma tuangi witideka, la wodadi yoleleleani ma binuka manga sahe moi ma ngale manga ino o wange isigeto-geto wositoku. 46 Igogou una asa wosanangi, nakoso ma tuangi awi dodagino woliho de wimake una awi manara gena ka waakasi. 47 Ngini tinisingangasu igogou, ma tuangi gena asa una witide la wodadi to una awi arata ḋangodu ma jojaga.

48 Duma nakoso woleleleani magena awi sininga ḋatorou, una magena asa awi siningaka wotemo, <Ai tuangi ma deka lo woliho waasi.> 49 Kagena de una asa yoleleleani ma binuka gena wangangapoka de wotagika, wooḋo de woudo de o nyawa yatotobadalu. 50 Duma ma orasi una waaka maro komagena, de imatodoka awi tuangi asa womasidiado ma orasi eko ma wange una wananakowa. 51 Done woleleleani magena awi tuangi asa wingangapo wisangisara de wiumo ma duduka, wiaka maro wokokulai moi. Kagena una asa woari de lo wosangisara.>>