8 Tennexxee no’oke Goottixxee dhuga kula shookkoxxe’e! Isixxee usuremenneke ane’ninna shookkoxxe’e! Eettene bakka Mageni ati’a uwweexxe hunnanni wengeeletixxee rakkonna abara aninni welti qoodemi! 9 Isi no’oo ye’eexxi anjire, ifike arda assedheechchi no’oo hunjeennexxe eloxxe hujexxeetebaan, yaada ifikenninna badhaadha ifikenni no’oo anjireexxi woyyoolete kandonnaa ye’edheeni. Kunni badhaadhi, heddi bari edi darre Yessuusi Kiristoosi ga’mii’ni no’aa uwwemeen. 10 Badhaadhi kunni no’ooka anijrallo Yessuusi Kiristoosixxe daganni leelleen. Yessuusi Kiristoosi reyotixxa hunna balleessexxi wengeelet ga’mii’ni reyo hexxebaaxxa duuchchi woddixxa hedho no’aa ifise.