14 Insa’nenna higgeenna hiiqqinse oo’ne; eettene yanna’n Orfa ballo isexxa Na’oomii sunqexxeexxi nage’ik hedhi hite hadi isekibaa me’ite. Ruuti kinni ballo isexxenaa’ni gargarit higabo’non hite mudhdhite. 15 Tennexxee Na’oomi «Ruuti! Atike hererechchixxi are Orfa gosa isexxibaanna dharichcha iseke magenuwwibaa’a higge’een; yoona atinna isenni welt higi» hite.
16 Ruuti kinni «Atee waale higonna’a anee uttissoxxe’e. Ati me’itattoba duuchcha me’annon; ati hexxatoba hedhannon; telchinni edi’a atik Magen anke Magenon; atik ardi anke arda kadaan. 17 Ati rertatoba reyannon; ati mogeendattoba moogemannon; ateenna anee reyo malee’e gargarit hiissaachchi hedhebaan; atee waale me’onnaa’a hadanno baro Duuchchi Woddik Gootti tenne saxxeexxa rakko ane’n geesiso» hite.