14 Ha’noo giddo ela gophpheeki manji hedhee? Isi Mageniinxe tuutaxxa geedhdhe ye’edhowwaali; insa’nenna Goottiinke summinni zayite hariireexxi isi’aa soodantowwaal. 15 Amanati assendaaxxi soodachcho ela gophpheeka manjo fayyisaan; Goottikinna isoo ke’isaan; cubbo hujeexxe kaddoolenna isi’a gattowaal hiyyendaan. 16 Tennexxe cubbo ha’nooxxa weli’aanni weli faaci’we; fayyitino’aanna mitti mittekee soodatowwaal. Qullichchi manjixxe soodachcho hunna affe’een; jabaxxa yaanenna assitaan.