1 Suɠa nui Ɓilidade kpɔɛi zeɠeni, é ɠɛ ma:

2 «Zobogi pɛ ka GALA zea, maayikiai.

Toɠa ziilɛigi lɔɔzu geezuʋɛ, geeɠɔlɔgi zu.

3 Ɓɛ ɠa a kɔɔʋɛbɛi liegɔi ɠaalu, nii é zeezu?

Ɓɛɛni ka ná-foloi la loozu ti ʋɛ?

4 Nui ɠa lelebo ɠale GALA gaazu?

Nui nii sɔlɔɔgai anzanui ʋa, naa ɠa zoo ɲadesu ɠale?

5 Ni GALA gaazu, alugi ma voloi ɠa tɔmɔzɔɔ,

somideɠaiti ti la ɲadeni,

6 nuɓusɛi mu ka ga leeni kae, nii é nɔ ga kpeinɲaɠagi,

nuɓusɛi ɓalaagi, é nɔ ga kpeinɲaɠa koi?»